कोल्हापूर - कोल्हापूर महानगरपालिकेची सर्वसाधारण सभा आज वेगळ्याच कारणांनी गाजली. या सभेतील एक विडिओ सध्या सोशल मीडियावर व्हायलर झाला आणि कोल्हापूरसह राज्यभरात हा चर्चेचा विषय झाला. सभा सुरू असतानाच एका नगरसेवकाने दुसऱ्या नगरसेवकाची पप्पी घेतली आणि या घटनेचा व्हिडिओ क्षणातच सोशल मीडियावर व्हायरल आला. 

हे पण वाचा - कोल्हापूर थरार; फायरिंग तो हमारे लिए कुछ नयी बात नही

भाजप ताराराणी आघाडीचे टेंबलाईवाडी प्रभागाचे नगरसेवक कमलाकर भोपळे हे स्थायी समिती सदस्य निवडीपासून त्यांच्या आघाडीवर नाराज आहेत. ही नाराजी त्यांनी आज सभागृहात दाखविली. सभागृहात बसताना कमलाकर भोपळे हे दोन्ही कॉग्रेसचे नगरसेवक बसतात त्या बाजूच्या बाकावर बसले. तसेच येथे त्यांनी कॉग्रेसचे गटनेते शारंगधर देशमुख यांची गळाभेट घेत त्यांचे चुंबनही घेतले. त्यांच्या या कृतीबद्दल सभागृहात उलटसुलट चर्चा सुरु होती. गळाभेट घेणे ठीक आहे, पण चुंबन घेणे हे सभागृहात शोभत नसल्याची टीका अनेक नगरसेवकांनी बोलून दाखविली. यावेळी कमलाकर भोपळे यांनी मला कॉग्रेसनेच जास्त प्रेम दिले आहे. या प्रेमापोटी मला रहावले नाही. त्यामुळे मी गटनेते देशमुख यांची गळाभेट घेऊन त्यांचे चुंबन घेतल्याचे स्पष्टीकरण दिले. तर भोपळेंचे तुमच्यावर एवढे प्रेम का असे देशमुख यांना विचारात कॉग्रेसचे गटनेते शारंगधर देशमुख म्हणाले, टेंबलाईवाडी प्रभागातील विकासकामासाठी आपण 75 लाखांचा निधी दिला आहे. तसेच आमदार त्रूतूराज पाटील यांच्या फंडातूनही स्वतंत्र निधी दिला जाणार असल्याने भोपळे खूप असल्याचे सांगीतले.  

हे पण वाचा - हम तुम्हे मारेंगे... जरूर मारेंगे, बंदुक भी हमारी.. गोली भी हमारी