कोल्हापूर: शैक्षणिक शुल्कात १५ टक्के कपातीच्या आदेशाची शाळांनी अंमलबजावणी का केली नाही, अशी विचारणा कोल्हापूर शहर व जिल्हा नागरी कृती समितीने सहायक शिक्षण संचालक सुभाष चौगुले यांना निवेदनाद्वारे आज केली.
निवेदनात म्हटले आहे की, दीड वर्षे कोरोना प्रादुर्भावामुळे व्यावहारिक जनजीवन विस्कळीत झाले आहे. परिणामी शासनाने शैक्षणिक शुल्कात १५ टक्के कपात माफीचा आदेश काढला. त्याची प्रत्यक्षात कोणत्याही शाळा अमंलबजावणी करताना दिसत नाही. सामान्य पालकांची आर्थिक कुचबंणा होत आहे. एक रकमी शुल्क ताबडतोब भरण्यासाठी शाळा पालकांना, विद्यार्थ्यांना वेठीस धरत आहेत.
त्यामुळे शुल्क कपातीची निव्वळ घोषणा करुन पाने पुसण्याचा प्रकार झाला आहे. शाळा शासन आदेशाची अंमलबजावणी करत नसतील त्यांच्यावर कारवाई करावी. शिष्टमंडळात अशोक पोवार, रमेश मोरे, भाऊ घोडके, चंद्रकांत सूर्यवंशी, अनिल पाटील, राजू मालेकर, विलास भोंगाळे, रमाकांत आंग्रे, विनोद डूणंग, राजेश वरक यांचा समावेश होता.
शिक्षण उपसंचालक कार्यालयांतर्गत पाच जिल्ह्यातील सर्व शिक्षण अधिकाऱ्यांना १५ टक्के शुल्क माफी आदेशाची अंमलबजावणी झाली आहे की नाही, याची त्वरित खात्री केली जाईल. ज्या संस्थेने आदेशाची अंमलबजावणी केलेली नाही त्यांच्यावर कारवाई करणार आहोत. शाळा शाळा शुल्कासाठी वेठीस धरत असल्यास पालकांनी शिक्षण उपसंचालक कार्यालयाकडे तक्रार करावी, असे आवाहन सहायक शिक्षण संचालक चौगुले यांनी केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.