कोल्हापूर : ‘मुख्यमंत्री एकनाथ शिंदे (Eknath Shinde) आणि राज ठाकरे हे दोन्हीही मराठी नेते हिंदुत्वासाठी काम करणारे आहेत. ते एकत्र आले तर आनंदच होईल’, असे वक्तव्य आमदार भरत गोगावले यांनी केले. करवीर निवासिनी श्री अंबाबाईचे दर्शन घेतल्यानंतर त्यांनी माध्यमांशी संवाद साधला.

आमदार गोगावले (Bharat Gogawale) मम्हणाले, ‘आजवर तीन वेळा आमदार झालो आहे. आमदारकीचा विजयी चौकार मारण्याची संधी दे, असे साकडे श्री अंबाबाईला (Ambabai) घातले आहे. त्याशिवाय मंत्रीपदाची असणारी अपूर्ण इच्छा पूर्ण व्हावी, अशी प्रार्थनाही केली आहे. महिन्याभरत मंत्रीमंडळ विस्तार होईल आणि ही इच्छा पूर्ण होईल, असे वाटते. अपात्र आमदारांबाबबत आम्ही जे जबाब दिले आहेत. त्यामुळे निर्णय आमच्याच बाजूने होईल.’

दरम्यान, किरीट सोमय्या आणि ज्यांनी घोटाळे केले आहेत त्यांनाच त्याची माहिती आहे. आम्ही कुठलेच घोटाळे केलेले नाहीत. त्यामुळे त्यांनी काही बोलले तरी आमच्यावर काही फरक पडत नाही. सिंधुदुर्गातील पाणबुडीचा प्रकल्प कुठेही जाणार नाही, याबाबत मुख्यमंत्र्यांनीच स्पष्ट केले असल्याचेही ते म्हणाले.