नगर : जीवनसाथी वेबसाइटवर तरुणीच्या नावाने बनावट प्रोफाइल तयार करून जामखेड तालुक्‍यातील युवकाला एक लाख 65 हजारांना ठगविणाऱ्या एका तरुणाला सायबर पोलिसांनी मुंबई येथून अटक केली. बनावट प्रोफाईल करणारी तरुणी नसून तो बेरोजगार तरुण होता, पोलिस तपासात समोर आले. 

हेही वाचा अण्णा हजारे यांचे आजपासून मौन 

निखिल नीलेश कदम (रा. दत्तू कदम चाळ, रायडोंगरी, बोरिवली ईस्ट, मुंबई) असे आरोपीचे नाव आहे. अधिक माहिती अशी, जामखेड तालुक्‍यातील सारोळे येथील हनुमान मोहन काळे यांना रेखा नीलेश कदम (रा. वाशी, मुंबई) असे नाव सांगणाऱ्या अज्ञात व्यक्तीने ऑनलाइन जीवनसाथी या वेबसाइटवर व व्हॉट्‌सऍपवर वारंवार संपर्क केला. हनुमान काळे याने जीवनासाठी संकेतस्थळावरील रेखा कदम नावाच्या मुलीला मैत्रीची विनंती पाठविली. त्यानंतर तिने त्याला लग्नाचे आमिष दाखवून वारंवार ऑललाईन पैसे मागवून घेतले.

हेही वाचा नेवाशाच्या नगराध्यक्षपदी योगिता पिंपळे 

हनुमान काळे तिचा पत्ता शोधीत मुंबईत गेला होता, पण शोध लागला नाही. लग्नाचे आमिष दाखवून एक लाख 65 हजार रुपयांना फसविले. याबाबत सायबर पोलिस ठाण्यात गुन्हा दाखल केला. सायबर पोलिस ठाण्यातील उपनिरीक्षक प्रतीक कोळी, पोलिस हेडकॉन्स्टेबल योगेश गोसावी, उमेश खेडकर, दिगंबर कारखिले, मलिकार्जुन बनकर, राहुल गुंडू, अभिजित अरकल, विशाल अमृते यांच्या पथकाने गुन्ह्याचा तांत्रिक तपास करून आरोपीचा छडा लावला.

येथे क्‍लिक करा "एसटी'च्या नगर विभागाने कात टाकली 

गुन्ह्यातील वरील आरोपी निखिल नीलेश कदम हा असून, 
तो दत्तू कदम चाळ, रायडोंगरी, बोरिवली ईस्ट, मुंबई येथे राहत असल्याची माहिती समोर आली. सायबर पोलिस पथकाने मुंबई येथे निखिल कदम याच्या घरी छापा घालून ताब्यात घेतले. बनवाट अकाउंट तयार करून अन्य लोकांचीही आर्थिक फसवणूक केल्याचे त्याने पोलिसांना सांगितले. त्याला मोबाईल व फोटोशॉपबाबत चांगले ज्ञान असल्याने त्याने तरुणीची खोटी कागदपत्रे तयार केली. 

हे पाहा माळढोक प्रश्‍न आमदार पवारांनी हाती घेतला 

अनेकांना फसविल्याची शक्‍यता 
त्याला मोबाईल व तंत्रज्ञान चांगले अवगत असल्याने तो ज्या मुली जास्तीत जास्त फोटो सोशल मीडियावर प्रसिद्ध करतात, अशा मुलींचे फोटो तो बनावट अकाउंटसाठी वापर होता. संबंधित व्यक्तीसाठी संपर्क करण्यासाठी तो वेगळा मोबाईल वापर होता. 

अनेकांना ठगविल्याची शक्‍यता 
आरोपी निखील कदम याने पुणे, मुंबई आणि राज्यातील विविध ठिकाणाच्या तरुणांना वेगवेगळ्या संकेतस्थळावरून बनावट प्रोफाईल तयार करून फसविले असण्याची शक्‍यता आहे. त्याचा पोलिस शोध घेत आहे.

- अरूण परदेशी, निरीक्षक सायबर पोलिस ठाणे