पुणे : माळशिरस मतदारसंघातून राष्ट्रवादी काँग्रेसने उत्तम जानकर यांना उमेदवारी जाहीर करीत तेथील नेते विजयसिंह मोहिते पाटील यांच्यापुढे आव्हान उभे केले आहे. भाजप-शिवसेना युतीच्या जागा वाटपात माळशिरस मतदारसंघ रिपब्लिकन पक्ष (आठवले गट) यांच्याकडे दिल्याचे केंद्रीय मंत्री रामदास आठवले यांनी जाहीर केले आहे. मोहिते पाटील यांच्या सल्ल्याने उमेदवार ठरविणार असल्याचे आठवले यांनी स्पष्ट केले आहे.
जानकर हे मोहिते यांचे कट्टर विरोधक. हा मतदारसंघ 2009 पासून अनुसुचित जातीसाठी राखीव झाल्यानंतर, जानकर यांनी 2009 मध्ये अपक्ष उमेदवार म्हणून निवडणूक लढविली होती. गेल्या निवडणुकीत त्यांचे जात प्रमाणपत्र अवैध ठरविले होते. मात्र, सर्वोच्च न्यायालयाने जानकर यांचे जात प्रमाणपत्र वैध असल्याचा निर्वाळा दिल्याने, त्यांना निवडणूक लढविण्याचा मार्ग मोकळा झाला.
माळशिरस मतदारसंघातून मोहिते यांचे समर्थक व राष्ट्रवादी काँग्रेसचे उमेदवार हनुमंत डोळस गेल्या दोन निवडणुकीत विजयी झाले. त्यांचे नुकतेच निधन झाले. मोहिते पाटील यांनी लोकसभा निवडणुकीपूर्वी भाजपमध्ये प्रवेश केल्याने, माळशिरस मतदारसंघातून त्यांच्या समर्थक उमेदवाराला चांगला प्रतिसाद मिळणार आहे. अशा वेळी उत्तम जानकर यांना राष्ट्रवादीने उमेदवारी दिल्याने माळशिरसची निवडणूक चुरशीची ठरणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.