इचलकरंजी - कोल्हापूर नाका परिसरातील स्वामी मळा येथे बलुनमध्ये गॅस भरण्याच्या सिलिंडरचा स्फोट झाला. या स्फोटात बारा वर्षांची एक मुलगी ठार झाली आहे. सना पठान (१२) असे या मुलीचे नाव आहे. गॅस स्फोटाची शहरातील ही चौथी घटना असून यामध्ये तीन जणांचा मृत्यू झाला आहे.
स्वामी मळा परिसरात मुकेश राठोड फुगेवाला कार्बन पावडरपासून स्वतः गॅस तयार करत होता. त्याने काल रात्री गॅस टाकी भरून ठेवला होता. आज सकाळच्या सुमारास या टाकीचा स्फोट झाला. यामध्ये दारात खेळत असणारी सना ही मुलगी जखमी झाली. तिचे दोन्ही हात व पाय निकामी झाले. गंभीर अवस्थेत तिला तातडीने आयजीएम रुग्णालयात दाखल केले. तेथे तिच्यावर प्राथमिक उपचार करून पुढील उपचारासाठी कोल्हापूरला नेण्यात आले. पण उपचारा दरम्यान तिचा मृत्यू झाला.
आई आणि भाऊ सुदैवाने बचावले
सनाची आई रेश्मा पठाण आणि लहान भाऊ उमर हे दारात होते. आई रेश्मा भांडी घासत होती. पण सुदैवाने या घटनेत त्यांना काहीही इजा झाली नाही. स्वामी मळा परिसरात पठाण कुटुंबीय गेल्या आठ वर्षापासून राहत आहेत. मृत मुलीचे वडील सेंट्रींग काम करून आपला उदरनिर्वाह करतात. या स्फोटाच्या दुर्घटनेमुळे परिसरात भितीचे वातावरण आहे. घटनास्थळी पोलीस उपाधीक्षक गणेश बिरादार व पोलीस निरीक्षक ईश्वर ओमासे यांनी भेट देऊन घटनेची माहिती घेतली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.