सांगली - अंध मुलांना वैज्ञानिक दृष्टी देण्यासाठी अंधश्रद्धा निर्मूलन समितीने पुढाकार घेतला आहे. त्यासाठी "हसत खेळत विज्ञान' या उपक्रमाचे आयोजन करण्यात येणार आहे. 

हे पण वाचा -  फिल्मी स्टाईलने दामदुपटीच्या आमिषाने मित्रालाच घातला दोन कोटींचा गंडा... 
 

एरवी अंध मुलांना शाळेत फक्त विज्ञानाची थेअरी शिकवली जाते. पण त्यांच्याकडून विज्ञान प्रयोग करून घेतले जात नाहीत. त्यामुळे ही मुले विज्ञान प्रयोगापासून वंचितच राहतात. या मुलांना वैज्ञानिक प्रयोग शिकविण्याचे समितीने ठरवले आहे. फक्त आवाज आणि स्पर्श याचा वापर करून विज्ञान समजून सांगणारे काही विज्ञान प्रयोग निश्‍चित केले आहेत. समितीचे ज्येष्ठ कार्यकर्ते प्रा. प. रा. आर्डे यांनी अशा प्रयोगांची यादी तयार केली आहे. त्याची काही प्रात्यक्षिके कोल्हापूर येथील अंध शिक्षक प्रमोद नवले यांनी सादर केली. अंनिस कार्यकर्ते प्रा. प. रा. आर्डे, राहुल थोरात, डॉ. संजय निटवे, आशा धनाले यांची भेट घेऊन या प्रयोगांची माहिती जाणून घेतली. 

हे पण वाचा - कुत्र्यांना सहज पकडण्याचे नेपाळी तंत्र

येत्या विज्ञान दिनी 28 फेब्रुवारीला कोल्हापूर येथील अंध शाळेतील मुलांना हे प्रयोग शिकवले जाणार आहेत. यावेळी प्रा. अमित ठकार, आर. एस. कुलकर्णी, डॉ. सविता अक्कोळे, संजय गलगले, त्रिशला शहा, चंद्रकांत वंजाळे उपस्थित होते.