नक्‍की वाचाच...राज्याची श्‍वेतपत्रिका मार्चमध्ये निघणार !

तात्या लांडगे

Updated:25th Dec, 2019 at 12:21 AM

सोलापूर : उत्पन्नात झालेली घट अन्‌ वाढलेल्या खर्चामुळे राज्याच्या डोक्‍यावरील कर्जाचा डोंगर वाढला. सद्यःस्थिती राज्य सरकारवर पावणेसात लाख कोटींचे कर्ज असून व्याजापोटी सरकारला सुमारे 73 हजार कोटी दरवर्षी द्यावे लागत आहेत. या पार्श्‍वभूमीवर मागील पाच वर्षांतील उत्पन्न अन्‌ खर्च, योजना व कामांवरील खर्चाची माहिती श्‍वेतपत्रिकेच्या माध्यमातून तयार केली जात आहे. मार्चपर्यंत श्‍वेतपत्रिका जाहीर केली जाणार असून तसे निर्देश मुख्यमंत्र्यांनी वित्त विभागाला दिले आहेत.

आवश्‍य वाचाच...अरे वा....! सोलापुरातील 'डबेवाला' झाला न्यायाधीश

सरसकट कर्जमाफी करण्याचे नियोजन असतानाही राज्याची आर्थिक स्थिती बिकट असल्याने दोन लाखांची कर्जमाफी द्यावी लागल्याची खंत मुख्यमंत्री उद्धव ठाकरे यांच्या मनात कायम आहे. या पार्श्‍वभूमीवर त्यांनी राज्याची नेमकी आर्थिक स्थिती कशी आहे, याची वस्तुस्थिती समोर येण्याच्या उद्देशाने वित्त विभागाला श्‍वेतपत्रिकेची माहिती मागविली आहे. त्यानुसार शासनाच्या सर्व विभागांकडून युद्धपातळीवर माहिती मागविण्यात आली आहे. मागील पाच वर्षांत राज्य सरकारला किती महसूल मिळाला, राज्याच्या उत्पन्नाची स्थिती पाच वर्षांत कशी राहिली, कोणत्या योजना व कामांवर किती खर्च करण्यात आला, याचा सविस्तर आढावाही मागविण्यात आला आहे. उत्पन्नाच्या तुलनेत खर्चच अधिक होऊ लागल्याने राज्याच्या डोक्‍यावरील कर्जाचा डोंगर कमी होत नसल्याचे चित्र आहे. या पार्श्‍वभूमीवर आगामी श्‍वेतपत्रिकेला फार महत्त्व प्राप्त झाले आहे.

आवश्‍य वाचाच....सोलापूर महापालिकेतील 'इतके' बनावट प्रमाणपत्रकधारक जाणार घरी

ठळक बाबी...

मागील पाच वर्षांतील आर्थिक स्थितीची मागविली माहिती : मार्चपर्यंत तयार होणार श्‍वेतपत्रिका
राज्य सरकारच्या खांद्यावर तब्बल सहा लाख 71 हजार कोटींचे कर्ज
कर्जापोटी राज्य सरकारला द्यावे लागते अंदाजित 73 हजार कोटींचे व्याज
राज्य सरकारकडून दरवर्षी केंद्राला दिला जातो पावणेदोन लाख कोटींचा महसूल
कोणत्या कामांवर अन्‌ योजनांवर किती खर्च झाला : उत्पन्न अन्‌ खर्चाचा ताळमेळ याचीही मागविली माहिती

हेही वाचाच...'सकाळ'ला सोलापुकरांच्या मनात मानाचे स्थान

तीन महिन्यांत पूर्ण होईल माहिती
मागील पाच वर्षांत कोणत्या योजनांवर किती खर्च झाला, उत्पन्न अन्‌ खर्चाचा ताळमेळ, राज्याची सद्यःस्थिती, राज्याच्या डोक्‍यावरील कर्ज आणि त्यावरील व्याज याची माहिती सर्व विभागांकडून मागविण्यात आली आहे. तीन महिन्यांत श्‍वेतपत्रिकेची माहिती तयार होईल.
- राजगोपाल देवरा, मुख्य सचिव, वित्त विभाग, मुंबई

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

SCROLL FOR NEXT

नक्‍की वाचाच...राज्याची श्‍वेतपत्रिका मार्चमध्ये निघणार !

Also Read

Pune Road Safety: राजाबहादूर मील रस्त्यावर बिल्डरची मुजोरी कायम; चिखलामुळे अपघात, महापालिकेचा दंड व काम थांबवण्याचा इशारा

Agni 4 missile: 'डीआरडीओ'कडून 'अग्नी-4' ची यशस्वी चाचणी, तब्बल चार हजार किलोमीटरपर्यंतचे लक्ष्य भेदणार!

''Gen Z सगळ्यात प्रामाणिक पिढी, सरकारने आधीच बोलणी करायला पाहिजे होती'', सरसंघचालक मोहन भागवत नेमकं काय म्हणाले?