फलटण (सातारा): नांदल (ता. फलटण) गावाच्या हद्दीत मिरगाव बाजूकडे पूर्वेला असलेल्या फॉरेस्टमध्ये डोक्यात दगड घालून एका अनोळखी व्यक्तीचा खून करण्यात आला आहे. ही घटना दोन ते तीन दिवसापुर्वी झाली असल्याची शक्यता वर्तविण्यात येत असून आज (गुरुवार) सकाळी ही घटना उघडकीस आली.

या परिसरात प्रेत सडल्याने दुर्गंधी पसरल्याने ही घटना उघडकीस आली. लोणंद पोलिस व फलटण ग्रामीण पोलिस घटनास्थळी दाखल झाले आहेत. लोणंद-फलटण रस्त्यावरील मिरगाव नांदल गावचे हद्दीत असल्याची माहिती पोलिसांना समजताच फलटण ग्रामीणचे पोलिस निरिक्षक अशोक शेळके व लोणंदचे सहाय्यक पोलिस निरिक्षक सोमनाथ लांडे व त्यांचे सहकाऱ्यांनी त्वरीत घटनास्थळी धाव घेतली. या अनोळखी व्यक्‍तिचा खून डोक्यात दगड घालून करण्यात आला आहे. फॉरेस्ट हद्दीतील परिसरात प्रंचड दुर्गंधी पसरल्याने पोलिस व ग्रामस्थांना ओळख पटवण्यासाठी अडचणी येत आहेत.