कोल्हापूर - जवाहरनगरातील कुप्रसिद्ध भास्कर डॉन टोळीतील संशयित अमोल महादेव भास्करच्या घराची जुना राजवाडा पोलिसांनी झडती घेतली. बांधकाम व्यावसायिक अपहरण प्रकरणात वापरण्यात आलेली दोरी, काठीसह दोन मोटारसायकल व एक मोटार अशी वाहनेही जप्त केली. दाखल गुन्ह्यात आता पर्यंत तिघांना अटक करण्यात आली असून संशयित पिंटू भास्करचा शोध सुरू असल्याचे पोलिस निरीक्षक प्रमोद जाधव यांनी सांगितले. 

जवाहरनगरातील भास्कर डॉन टोळीचा म्होरक्‍या संशयित अमोल भास्कर, त्याचा भाऊ व पिंटू भास्कर व त्यांच्या दोघा साथिदारांनी बांधकाम व्यावसायिक दत्तात्रय मोरे यांचे लाखाच्या खंडणीसाठी अपहरण केले. त्यानंतर त्यांना जवाहरनगरातील एका शेडमध्ये नेऊन बेदम माहाण केली होती. अशी फिर्याद 2 नोव्हेंबरला मोरे यांनी दिली होती. त्यानुसार संशयित अनिल त्याचा भाऊ पिटू भास्करसह चौघांवर गुन्हा दाखल करण्यात आला होता. त्याच दिवशी पोलिसांनी अमोल भास्करला अटक केली.

गोव्यात पकडलेल्या अमलीपदार्थांचे बांदा कनेक्‍शन ? 

काल रात्री गणेश मकरंद कदम (वय 23) आणि जोतिराज अनिल भास्कर (वय 24) या दोघा संशयित साथिदारांनाही अटक केली. दरम्यान आज अमोल भास्करच्या घराची झडती पोलिसांनी घेतली. त्याला बंदोबस्तात आज दुपारी जवाहरनगर येथील घरात नेण्यात आले होते. कारवाई दरम्यान मोठी गर्दी घटनास्थळी झाली होती. हे विचारात घेऊन पोलिसांनी मोठा बंदोबस्त ठेवला होता. 

पक्षाच्या आमदाराला पाडणाऱ्यास शिवसेनेने घेतले सोबत 

कारवाईमध्ये घरातून गुन्ह्यात वापरलेली दोरी, काठीसह दोन मोटारसायकली व एक मोटार पोलिसांनी जप्त केली. दरम्यान अटक केलेल्या अमोलसह तिघांची पोलिस कोठडी उद्या (ता. 7) संपणार आहे. त्या तिघांना न्यायालयात हजर केले जाणार आहे. या प्रकरणातील संशयित पिंटू ऊर्फ अमित भास्कर अद्याप पोलिसांच्या हाती लागलेला नाही. त्याचा शोध स्वतंत्र पथकाकडून घेतला जात असल्याचे पोलिस निरीक्षक जाधव यांनी सांगितले. 

कोल्हापूरची सांस्कृतिक परंपरा जपणारे टुमदार घर आहे तरी कसे ? 
कटर मांडीला लागून कारागिराचा मृत्यू