सोलापूर: दिवाळी निमित्त मिठाई आणि गोड पदार्थांना अधिक मागणी असते. ग्राहक रेडिमेड मिठाई खरेदी करतात किंवा घरी मिठाई तयार करतात. सोलापूरचा अन्न प्रशासन विभाग दिवाळीच्या पार्श्वभूमीवर अलर्ट झाला आहे. रेडिमेड मिठाईसोबतच मिठाई तयार करण्यासाठी लागणाऱ्या मैदा, रवा, बेसन, खाद्यतेल यामधील भेसळ रोखण्यासाठी अन्न प्रशासन विभाग सज्ज झाला असून त्या दृष्टीने कार्यवाही सुरू केल्याचीही माहिती अन्न प्रशासनाचे सहाय्यक आयुक्त प्रदीप राऊत यांनी दिली.
अन्न प्रशासनाच्यावतीने मंगळवारी कुमठा रोडवरील वैष्णवी खवा व दूध डेअरीवर कारवाई करण्यात आली.
अन्न सुरक्षा अधिकारी प्रज्ञा सुरसे व नमुना सहाय्यक राजा स्वामी यांनी वैष्णवी डेअरीला अचानक भेट दिली. येथून त्यांनी 514 किलो खवा ताब्यात घेतला. अस्वच्छ ठिकाणी खवा साठवून ठेवण्यात आला होता. तसेच तयार केलेली मिठाई देखील जप्त करण्यात आली आहे.
भेसळ रोखण्यासाठी कारवाई
दिवाळीनिमित्त खव्याला मोठ्या प्रमाणात मागणी असते. खव्यातून भेसळ होण्याची शक्यता अधिक असते. त्यामुळे नागरिकांच्या आरोग्याला बाधा पोहचू शकते. कोणत्याही अन्न पदार्थांच्या भेसळीबाबत संशय आल्यास नागरिकांनी तत्काळ अन्न प्रशासनाशी संपर्क साधावा.
- प्रदीप राऊत, सहाय्यक आयुक्त, अन्न प्रशासन
संपादनः प्रकाश सनपूरकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.