Solapur News : बार्शी (Barshi News) तालुक्यात तुळशीदास नगर,गुळपोळी,शेळगाव(आर), धामणगाव,अलिपूर,श्रीपतपिंपरी,पांगरी अशा सात ग्रामपंचायतीमधील प्रत्येकी एक प्रभागाची पोटनिवडणूक झाली असून निकाल जाहीर करण्यात आले. झानपूर येथील निकाल राखून ठेवला आहे. 21 डिसेंबर रोजी शांततेत मतदान (Voting) झाले व 22 डिसेंबर रोजी मतमोजणी होऊन निकाल जाहीर करण्यात आले. अशी माहिती नायब तहसीलदार माजीद काझी यांनी दिली.

तुळशीदास नगर येथे प्रभाग क्रमांक एक मध्ये झालेल्या निवडणुकीत मंगल भास्कर भोईटे 76 मते मिळवून विजयी झाल्या त्यांच्या प्रतिस्पर्धी प्रभावती भीष्माचार्य मोटे यांना 62 मते पडली नोटाला तीन मते मिळाली. गुळपोळी येथे प्रभाग क्रमांक तीन मध्ये झालेल्या निवडणुकीत सविता दिपक चिकने 347 मते मिळवून विजयी झाल्या असून त्यांच्या प्रतिस्पर्धी मंदाकिनी विष्णू सावंत यांना 232 मते मिळाली नोटाला तीन मते पडली.

शेळगाव(आर)येथील प्रभाग क्रमांक एकच्या झालेल्या निडणुकीत शैलजा सचिन बादगुडे यांनी 296 मते मिळवून विजयी झाल्या तर त्यांच्या प्रतिस्पर्धी स्वरुपा शुभम बादगुडे यांना 289 मते मिळाली नोटाला एक मत पडले. धामणगाव येथील प्रभाग क्रमांक एक मध्ये झालेल्या निवडणुकीत रेवणकुमार जालिंदर अवधूत यांना 155 मते पडून विजयी झाले त्यांचे प्रतिस्पर्धी बळीराम सुग्रीव कुंभार यांना 39 तर अक्षय सुभाष देशमुख यांना 17 मते मिळाली नोटाला तीन मते मिळाली.

अलिपूर येथे प्रभाग क्रमांक दोन मध्ये झालेल्या निवडणुकीत बप्पा राजाराम माने यांना 87 मते मिळून विजयी झाले असून त्यांचे प्रतिस्पर्धी सागर गणपत तावडे यांना 76 मते पडली. श्रीपतपिंपरी येथील प्रभाग क्रमांक चार मध्ये झालेल्या निवडणुकीत बिभीषण गोरख लंकेश्वर 272 मते मिळून विजयी झाले तर त्यांचे प्रतिस्पर्धी रोहिदास महादेव लंकेश्वर यांना 243 मते मिळाली.

पांगरी येथील प्रभाग क्रमांक मध्ये झालेल्या निवडणुकीत अक्षयकुमार संजय चांदणे यांना 497 मते मिळवून विजयी झाले तर त्यांचे प्रतिस्पर्धी दशरथ भास्कर बगाडे यांना 420 मते मिळाली नोटाला 19 मते मिळाली.