बार्शी (सोलापूर) : बार्शी शहर अन्‌ तालुक्‍यात कोरोना विषाणू संसर्गाचा कहर सुरूच असून, गुरुवारी (ता. 30) जिल्हा प्रशासनाकडून प्राप्त झालेल्या 39 स्वॅब व रॅपिड अँटिजेन तपासणी अहवालामध्ये 25 जण कोरोनाबाधित आढळले आहेत. 475 जण बरे होऊन घरी गेले तर बाधितांची एकूण संख्या 883 झाली आहे. आज एकाचा मृत्यू झाला असून, आतापर्यंत कोरोनामुळे 32 जणांचा मृत्यू झाला आहे, अशी माहिती तहसीलदार डी. बी. कुंभार यांनी दिली. 

हेही वाचा : राष्ट्रवादीसोबत हुकतेय शिवसेनेच्या सत्तेचे टायमिंग, सोलापूरच्या शिवसेना जिल्हाप्रमुखांची व्यथा 

गुरुवारी 31 स्वॅब व आठ रॅपिड अँटिजेन अहवालात शहरातील अलीपूर रोड 2, आडवा रस्ता 8, दत्तनगर 1, भरतपूर 1, भवानी पेठ 1, नागणे प्लॉट 1, नेटके प्लॉट 1, खुरपे बोळ 1, गोंदिल प्लॉट 1, हिरेमठ हॉस्पिटलजवळ 1, सोलापूर रोड 1 असे 19 जण कोरोनाबाधित आढळले आहेत. 

हेही वाचा : धक्कादायक! "येथील' आरोग्य विभाग नाही कोरोनाबाबत गंभीर; रुग्णांना नेण्यासाठी रुग्णवाहिकाच नसल्याने रुग्णांसह गावकऱ्यांमध्ये संताप 

ग्रामीण भागातील वैराग येथे 2, उपळे दुमाला 1, धोत्रे 1, आगळगाव 1, खामगाव 1 असे सहाजण कोरोना पॉझिटिव्ह आढळले आहेत. शहरातील 472 व ग्रामीण भागातील 411 असे 883 जण बाधित असून 376 जणांवर उपचार सुरू आहेत. शहरातील 95, वैराग 46, धोत्रे 5, सारोळे 1, दहिटणे 1, आगळगाव 1, खामगाव 2 असे 166 अहवाल प्रलंबित असल्याची माहिती कुंभार यांनी दिली. 

संपादन : श्रीनिवास दुध्याल