मंगळवेढा,(सोलापूूर) : लॉकडाउनमध्ये बाहेरगावी अडकलेल्या तालुक्‍यतील नागरिकांना ऑनलाईन लिंक तयार करून माहिती घेत मंगळवेढा तालुक्‍यात सुरक्षीत आणण्यात आले. या ऑनलाईन लिंकच्या मदतीने 624 लोक त्यांच्या घरी सुरक्षीत पोचले आहे. 

हेही वाचाः मुंबईत निधन झाले, मृतदेह ताब्यात न मिळाल्यामुळे... 

कोरोनाचा प्रादुर्भाव वाढू नये म्हणून शासनाने लॉकडाउन केले. अशा परिस्थितीत पुणे व मुंबई या ठिकाणी मजुरीसाठी गेलेल्या नागरिकांना घरात अडकून पडावे लागले. अडकलेल्या पंढरपूर, मंगळवेढा मतदारसंघातील जवळपास 624 नागरिकांना स्वगृही आणण्यासाठी दामाजी कारखान्याचे अध्यक्ष समाधान आवताडे यांनी महत्त्वाची भूमिका बजावली. 

हेही वाचाः सोलापूरातील सर्व दवाखान्यात होणार उपचार 

तालुक्‍यातील दुष्काळी परिस्थिती पाहता शाश्‍वत रोजगाराचे साधन नाही. त्यामुळे नागरिकांना कौटुंबिक उपजीविका करण्यासाठी तालुक्‍याबाहेर गुजरात, मध्य प्रदेश, कर्नाटक, मुंबई, पुणे, औरंगाबाद अशा विविध ठिकाणी स्थलांतर करावे लागले. लॉकडाउन होताच या नागरिकांना परजिल्ह्यात किंवा परराज्यात अडकून पडावे लागले. रोजगाराअभावी कौटुंबिक उपासमार होऊ लागल्याने काय करावे हे समजत नव्हते. 
या सर्वांची माहिती गोळा करताना एक ऑनलाइन लिंक बनवून ती लिंक व्हॉट्‌सऍप व विविध सोशल मीडियाच्या माध्यमातून पाठविण्यात आली. त्या लिंकचा उपयोग करून तालुक्‍यातील रहीवाशी असलेल्या 624 नागरिकांनी त्यांची माहिती दिली. ही माहिती गोळा झाल्यावर त्या नागरिकांशी फोनद्वारे संवाद साधत त्याच्या अडचणींची माहिती घेतली. त्यानंतर लींकवर नोंद झालेल्या नागरिकांची प्रशासकीय अर्ज दाखल करण्यापासून ते परवाना घेण्याची कामे पुर्ण झाली. त्यानंतर आवश्‍यक त्या तपासण्या व नियमांचे पालन करण्यात आले. त्यांना स्वगृही पोचेपर्यंत सर्व जबाबदारी समाधान अवताडे यांनी घेत ती पार पाडली. त्यामुळे त्या नागरिकांना आपल्या घरी सुखरूप येणे शक्‍य झाले. 

संपर्क साधला तर मदत मिळेल 
लॉकडाउनमुळे अजूनही पंढरपूर, मंगळवेढ्यातील काही नागरिक अथवा नातेवाईक किंवा विद्यार्थी जर कुठे अडकून पडले असतील तर त्यांनी थेट माझ्याशी संपर्क करावा. त्यांना घरपोच करण्यासाठी मदत करू. 
- समाधान आवताडे, अध्यक्ष, दामाजी साखर कारखाना 

लींकमुळे बोरीवलीतून पोचले 
कामामुळे मी बोरिवलीला राहते. मंत्रालयात कामाला असूनसुद्धा आमची फार गैरसोय झाली. अशातच समाधानदादा आवताडे यांच्याशी लिंकच्या माध्यमातून संपर्क झाला. संकटकाळात गावाकडून कोणीतरी विचारले, हे फार समाधानकारक होते. त्यांच्यामुळे घरी पोचणे शक्‍य झाले. 
- विजया संगशेट्टी, नंदूर