सोलापूरः शहरातील दहा दिवसांचा लॉकडाउन होणार असल्याने आज दिवसभरात गरजेच्या वस्तु घेण्यासाठी बाजारात नागरिकांची मोठी वर्दळ झाली होती. किराणा, औषधी व इतर गरजेच्या वस्तु घेण्यासाठी नागरिक बाजारात दाखल झालेले होते. सोलापूरचा लॉकडाऊन अवघ्या काही तासांवर आल्याने सहित्य खरेदीसाठी सकाळपासून नागरिक पिशव्या घेऊन घराबाहेर पडले होते. खरेदीसाठी नागरिकांनी सोशल डिस्टन्सचा नियम अक्षरश पायदळी तुडविलहा होता. 

हेही वाचाः कुर्डुवाडीत कोरोनाचा शिरकाव होताच दहा दिवसाच्या लॉकडाउनची कोणी केली मागणी? ते वाचा 

किराणा दुकानामध्ये देखील ग्राहक खरेदीसाठी दाखल झाले होते. दहा दिवस पुरेल एवढे अन्नधान्य व इतर किराणा सामान त्यांनी खरेदी केले. औषधाची दुकाने लॉकडाउनमध्ये सुरु राहणार असली तरीही जास्तीच्या औषधी खरेदीसाठी गर्दी होती. शहरातील विविध ठिकाणी असलेल्या भाजी मंडईत भाज्या खरेदीसाठी नागरिक सकाळी लवकर आलेले होते. तेथे पोलिस व स्थानीक सामाजीक कार्यकर्त्यांनी नागरिकांना सोशल डिस्टन्स ठेवून खरेदीसाठी मदत केली. 

हेही वाचाः माळशिरस तालुक्‍यातील 108 सहकारी पाणी वाटप संस्था होणार सुरू 

मोठ्या प्रमाणात वाहने घेऊन नागरिक बाजारात उतरल्याने सोशल डिस्टन्सचे तीन तेरा वाजले. बाजारातील गर्दी वाढत असताना फळांचे गाडे व इतर विक्रेत्यांनी देखील रस्त्यावरून गाडे फिरवून फळे व इतर वस्तुंची विक्री केली. किराणा दुकानात गर्दी मावत नसल्याने ग्राहकांना किराणा सामान घेण्यासाठी कितीतरी थांबावे लागले. या प्रकारात बाजारातील रस्त्यावर कुठेही सोशल डिस्टन्सचा नियम पाळला गेला नाही. लॉकडाउनमुळे पोलिसांना देखील आज गर्दी आवरणे कठीण झाले होते. वाहनचालकांनी भर रस्त्यावर दुकानांपर्यंत त्यांची वाहने नेल्याने या बेशिस्तीमध्ये भरच पडली होती. 

आज भाजी मंडी सुरु राहणार 
शुक्रवारी (ता.17) पासून होणाऱ्या लॉकडाउनसाठी नागरिकांना गुरुवार (ता.16) रोजी शहरातील सर्व भाजीमंडीमध्ये भाजी खरेदी करता येणार आहे. नियोजीत केलेल्या सर्व भाजी बाजारात सकाळी सात ते सायंकाळी सात या कालावधीत भाजी विक्री केली जाणार आहे. बाजारात मोठ्या प्रमाणात भाज्या उपलब्ध झाल्याने नागरिकांनी गर्दी करू नये. भाजी खरेदी करताना सोशल डिस्टन्स व मास्कचा वापर करावा असे आवाहन पोलिस आयुक्तालयाने केले आहे.