सोलापूर: कोरोना महामारीत काम करणाऱ्या एमबीबीएस व बीएएमस डॉक्‍टरांचा कोरोना महामारी मृत्यू झाल्यास त्यांना मदत मिळावी. विमा संरक्षण योजनेची अंमलबजावणी करावी, डॉक्‍टर व विद्यार्थ्यांवर दाखल केलेले गुन्हे मागे घ्यावेत एमबीबीएस व बीएएमएस डॉक्‍टरांना समान वेतन मिळावे, यासाठी सरकारकडे पाठपुरावा करण्याचे आश्‍वासन राज्याच्या विधान परिषदेचे विरोधी पक्षनेते प्रवीण दरेकर यांनी दिले. 

हेही वाचाः सांगोला तालुक्‍यात शेततळ्यात बूडून चुलत बहिणींचा मृत्यू 

सोलापूर जिल्ह्यातील अतिवृष्टी व महापूराच्या नुकसानीची पाहणी करण्यासाठी दरेकर सोलापूरच्या दौऱ्यावर आले होते. 

हेही वाचाः सिध्देश्‍वरची चिमणी पाडल्यानंतर ही उडान अशक्‍यच, रनवे वाढविण्यासाठी जागाच नाही 

त्यावेळी आयुष डॉक्‍टर्सच्या विविध न्याय मागण्यासंदर्भात निमा संघटनेच्यावतीने सोलापुरातील शासकीय विश्रामगृहात विरोधी पक्षनेते दरेकर यांची भेट घेतली. त्यांना या मागण्याचे निवेदन दिले. यावेळी नगरसेवक डॉ. किरण देशमुख यांच्या सहकार्याने निमा संघटना राष्ट्रीय अध्यक्ष डॉ. विनायक टेंभुर्णीकर यांच्या नेतृत्वाखाली, निमा संघटनेच्या लिगल कमिटीचे कायदेतज्ज्ञ डॉ. धनंजय कुलकर्णी, सोलापूरचे सचिव डॉ. राहुल कुलकर्णी, खजिनदार डॉ. ऋषिकेश जोकारे, निमा सदस्य डॉ. किरण देशमुख, भाजप शहर सोलापूर चिटणीस देविदास बनसोडे, आमदार विजयकुमार देशमुख यांचे स्वीय सहाय्यक उमेश कोळेकर, सोमनाथ मेंडके, रवी मस्के उपस्थित होते.