सोलापूरः येथील आई प्रतिष्ठानच्या वतीने शहरातील पुल्ली कन्या प्रशाला व दयानंद महाविद्यालयात गरजू मुलांना दिवाळीसाठी कपडे व फराळाचे वाटप करण्यात आले. 

हेही वाचाः आसऱ्याची गर्दी ओसरेना ः जड वाहतुकीत उसाच्या ट्रॅक्‍टरची भर, धुळीचे लोट कायम 

कोरोनाच्या महामारीमुळे सर्वसामान्यांची परिस्थिती खालावली असल्याने आई प्रतिष्ठानचे अध्यक्ष मोहन डांगरे यांच्या मार्गदर्शनाखाली हा उपक्रम हाती घेण्यात आला. 
पुल्ली कन्या प्रशालेच्या मातृ छत्र अथवा पितृछत्र हरपलेल्या एकूण 100 मुलींना दिवाळीनिमित्त नवीन ड्रेस, फराळ, सुगंधी उटणे, साबण व पणत्या भेट देण्यात आल्या. 
महापौर श्रीकांचना यन्नम यांच्या अध्यक्षतेखाली हा कार्यक्रम झाला. यावेळी उद्योजक सचिन हिरेमठ, पराग शहा, वैभव पाटील, दादासाहेब पाटील, वसंत जाधव, संस्थेचे विश्वस्त पांडुरंग दिड्डी, विजयकुमार गुल्लापल्ली यांची प्रमुख उपस्थिती होती. 

हेही वाचाः सोलापुरात मुक्काम करून चंद्रकांतदादांनी दिला पुणे पदवीधरचा मायक्रो मास्टर प्लॅन 

आई प्रतिष्ठानच्या वतीने मागील तीन वर्षांपासून हा उपक्रम राबविण्यात येतो. कुठल्याही अडचणींना न डगमगता सामना करीत मुलींनी शिक्षण घेऊन स्वावलंबी बनावे असे प्रतिपादन मोहन डांगरे यांनी केले. मुख्याध्यापिका गीता सादुल यांनी प्रास्ताविक केले. कार्यक्रमासाठी योगेश डांगरे, सूर्यकांत जिंदम, प्रताप महवंकर, सुधाकर नराल, दादाराव चव्हाण, अविनाश शंकू, शुभम चिट्याल, विवेक नक्का, लक्ष्मीकांत यलदी आदींचे सहकार्य लाभले. यादीवाचन पर्यवेक्षिका प्रणिता सामल यांनी केले. सूत्रसंचलन उमा कोटा यांनी केले तर उपमुख्याध्यापक युवराज मेटे यांनी आभार मानले. 
आई प्रतिष्ठान सोलापूरच्या वतीने दयानंद शैक्षणिक संस्थेमध्ये विद्यार्थिनींना आई प्रतिष्ठानच्या वतीने नवीन ड्रेस मटेरियलचे कापड भेट देण्यात आले. या वर्षी कोरोनामुळे अनेक कामगारांना दिवाळी कशी साजरी करावी याची चिंता आहे. हे लक्षात घेऊन गरजू व होतकरू विद्यार्थ्यांना मोफत ड्रेस मटेरियलचे कापड उद्योजक बाबुभाई मेहता यांच्या हस्ते वाटप करण्यात आले या कार्यक्रमावेळी प्राचार्य विजयकुमार हुबळे, प्राचार्या कीर्ती पांडे, प्राचार्य शिरसागर, प्रा. श्री मुळीक, प्रा. देशपांडे, सचिन हिरेमठ, योगेश डांगरे, राहुल डांगरे, सूर्यकांत जिंदम, प्रताप महावरकर, सुधाकर नराल, दादाराव चव्हाण, अविनाश शंकू, लक्ष्मीकांत येलदी आदी उपस्थित होते.