सोलापूर : ज्ञानात नवीन भर टाकणे हे संशोधनाचे महत्त्वाचे काम आहे. परंतु तसे होताना दिसत नाही. आजची शिक्षण व्यवस्था कालबाह्य ठरत आहे. त्यामुळे शिक्षणाचा दर्जा उंचावण्याची गरज निर्माण झाली आहे, असे प्रतिपादन प्रसिद्ध अणुशास्त्रज्ञ, पद्मविभूषण डॉ. अनिल काकोडकर यांनी केले. 

हेही वाचा - ढगाळ वातावरणामुळे शेतकऱ्यांची वाढली चिंता 

पुण्यश्‍लोक अहिल्यादेवी होळकर सोलापूर विद्यापीठांतर्गत नॅक, आयक्‍यूएसी विभाग व मराठी विज्ञान परिषद, सोलापूर शाखेतर्फे विद्यापीठात डॉ. काकोडकर यांचे "तयारी ज्ञानयुगासाठी' या विषयावर व्याख्यान आयोजित करण्यात आले होते. अध्यक्षस्थानी कुलगुरू डॉ. मृणालिनी फडणवीस होत्या. कुलसचिव डॉ. विकास घुटे, डॉ. विकास पाटील, राज्यपाल नियुक्त व्यवस्थापन परिषद सदस्य प्रा. महेश माने, क्रीडा व शारीरिक संचालक डॉ. सुरेश पवार, प्राचार्य डॉ. शंकर नवले, प्राचार्य डॉ. एन. बी. पवार, विविध संकुलाचे संचालक, शिक्षक व विद्यार्थी मोठ्या संख्येने उपस्थित होते. 

हेही वाचा - स्मार्ट सोलापुरात अवैध धंदे करणाऱ्यांना 'मोक्का'चा झटका 

अध्यक्षीय समारोप करताना कुलगुरू डॉ. फडणवीस म्हणाल्या, विद्यापीठास सिलेजअंतर्गत राजीव गांधी विज्ञान व तंत्रज्ञान आयोगाकडून 50 लाख रुपयांचे अनुदान मिळाले आहे. यासंदर्भात संलग्नित महाविद्यालयाचे प्राचार्य व संकुलाचे संचालक व शिक्षकांची बैठक घेतली. त्यांना समाजोपयोगी प्रकल्प तयार करण्यासाठी मार्गदर्शन केले. सिलेजअंतर्गत आंतरविद्याशाखीय व समाजासाठी उपयुक्त प्रकल्प करण्यावर विद्यापीठाकडून भर दिला जाणार आहे. या प्रकल्पामध्ये शिक्षकांबरोबरच विद्यार्थ्यांनाही समाविष्ट करून घेण्यावर विद्यापीठाचा भर आहे. यामध्ये जास्तीत जास्त संख्येने सहभागी व्हावे. प्रा. सी. जी. गार्डी यांनी प्रास्ताविक व स्वागत केले. डॉ. विकास पाटील यांनी पाहुण्यांचा परिचय करून दिला. मयूरी वाघमारे यांनी सूत्रसंचालन केले. सहायक कुलसचिव डॉ. शिवाजी शिंदे यांनी आभार मानले.