सोलापूरः महानगरपालिका व सोलापूर चेंबर ऑफ कॉमर्सच्या वतीने माझे कुटुंब, माझी जबाबदारी या मोहिमेसाठी प्रचार स्टिकर लावण्याच्या कामाचे उदघाटन महापालिकेचे उपायुक्त धनराज पांडे यांच्या हस्ते झाले. 

हेही वाचाः सोलापूर बाजार समितीत कांदा सात हजारांवर 

महाराष्ट्र राज्यामध्ये कोव्हीड- रुग्णांमध्ये मृत्युमध्ये लक्षणीय रित्या भर पडत आहे. या पुढे कोव्हीड- नियंत्रण कार्यवाही जनतेच्या सहभागातून आवश्‍यक आहे. या साठी राज्य भर "माझे कुटुंब, माझी जबाबदारी" हि मोहीम राबविण्याचा निर्णय महाराष्ट्र शासनाने घेतला आहे. 

हेही वाचाः हाती लागेल त्याची चोरी ! एमआयडीसी परिसरातून चोरट्याने पळवले पलंग, ताट, ग्लास 

"माझे कुटुंब, माझी जबाबदारी" या मोहिमे अंतर्गत सोलापूर महानगरपालिका व सोलापूर चेंबर ऑफ कॉमर्स, इंडस्ट्रीज अँड ऍग्रीकल्चर यांच्या संयुक्त विद्यमाने शहरातील सर्व व्यापारी पेठांमध्ये " मास्क नाही, तर प्रवेश नाही व नो मास्क, नो एंट्री असे आवाहन करणारे जनजागृती स्टिकर्स तयार करून शहरातील सर्व दुकानांमध्ये लावण्याची मोहिम आखली. तसेच शहरातील सर्व पेट्रोल पंपाच्या ठिकाणी "माझे कुटुंब, माझी जबाबदारी" या मोहिमे अंतर्गत जनजागृतीचे बॅनर लावण्याच्या कामाचा प्रारंभ महानगरपालिकेचे उपायुक्त धनराज पांडे यांच्या हस्ते करण्यात आले. या कार्यक्रमास सोलापूर चेंबर ऑफ कॉमर्स, इंडस्ट्रीज अँड ऍग्रीकल्चर चे अध्यक्ष राजू राठी, मानद सचिव धवल शहा, खजिनदार राजगोपाल झंवर, निलेश पटेल, सुकुमार चंकेश्वरा, संजय कंदले, शैलेश बचुवार, चेतन बाफना, इंदरलाल होतवाणी, रामशेठ पंजवाणी, दयासागर सालुटगी, राजू नाशिककर, महेन्द्र कटारिया, विकी ठक्कर आदी मान्यवर उपस्थित होते.