सोलापूरः जयहिंद फुडबॅंक सोलापुर च्या माध्यमातुन दर वर्षी वेगवेगळे समाजउपयोगी उपक्रम राबविण्यात येत असतात पण यंदा च्या वर्षी कोरोना चालू असतानाच पावसाचा जोर अचानक वाढला आणि महाराष्ट्रातील अनेक ठिकाणी महापुर आला आणि रौद्र रूप धारण केले आहे. मानवी जिवन विस्कळीत झालेला आहे, अनेक गावांचा संपर्क देखिल तुटला असुन अनेक लोकांचे हाल होत आहेत. 

हेही वाचाः अल्पवयीन मुलांवर अत्याचार व हत्या करणाऱ्यांना फाशी देण्याची मागणी 

अशा वेळी सोलापूर जवळ विजयपुर रोड वर असणाऱ्या हत्तुर गाव व हायवे पुर्ण पणे पाण्याने व्यापला असुन अनेक ठिक ठिकाणी सामान वाहतुक करणारे ट्रक अडकून आहेत त्यांना जेवण मिळालेले नाही अशी माहिती पोलिस कर्मचारी अमरसिंग शिवसिंगवाले यांनी जयहिंद फुडबॅंकेचे संस्थापक सतिश सुरेश तमशेट्टी यांना दिली. अडकलेल्या लोकांची होणारी उपास मार पाहता जयहिंद फुडबॅंक च्या माध्यमातुन चालक व वाहक यांना जेवण वाटप करुन होणारी उपासमार थांबवण्याचा प्रयत्न या जागतिक अन्न दिनी जयहिंद फुडबॅंक करण्यात आला. 

हेही वाचाः अजित पवार फक्त नामधारीच उपमुख्यमंत्री, मदतीची अपेक्षा ठेवणाऱ्या शेतकऱ्यांची उपेक्षा 

या नैसर्गिक आपत्तीच्या काळात दरदिवशी जयहिंद फुडबॅंकेच्या माध्यमातुन जेवण देण्यात येणार आहे. ज्यांना मदत हवी आहे त्यांनी संपर्क करावे असेही आवाहन करण्यात आले आहे. या उपक्रमात धान्य व साहित्य देऊन सहभागी व्हावे असे आवाहन संस्थापक सतिश सुरेश तमशेट्टी यांनी केले. गरजुंनी मो.क्र. 9665808571 व मो.क्रं. 8411902020 यावर संपर्क साधावा. आज झालेल्या उपक्रमात सुरेश तमशेट्टी, राजश्री तमशेट्टी, विनय गांगजी, सुधिर तमशेट्टी, शुभम बल्ला, सौरभ करकमकर, विशाल शिकतोलू, हत्तुरचे रहिवाशी प्रशांत सलगरे, श्रीशैल हिरेमठ स्वामी, बाप्पा वाले, अलोक तंबाके, सतिश तमशेट्टी हे उपस्थित होते,