मोहोळ (सोलापूर) : भरधाव कारने लुना मोटार सायकलला पाठीमागून धडक देऊन झालेल्या अपघातात एका महिलेचा मृत्यू झाला तर अन्य एक जण जखमी झाला.
हा अपघात सोलापूर -पुणे राष्ट्रीय महामार्गावरील मोहोळ शहराजवळील कोळेगाव फाट्याजवळ सकाळी 11 वाजता झाला. राधा जनार्धन मोटे (वय 39) असे मृत महिलेचे नाव आहे तर जनार्धन हरिदास मोटे (वय 47) असे जखमीचे नाव असून दोघेही नरखेड (ता.मोहोळ) येथील रहिवाशी आहेत. जखमीला तातडीने राष्ट्रीय महामार्गाच्या पथकाने व टोळ नाक्याच्या कर्मचाऱ्यांनी उपचारासाठी सोलापूरला दाखल केले आहे.
पोलिसांकडून मिळालेल्या माहिती नुसार, जनार्धन हरिदास मोटे व राधा जनार्धन मोटे हे दोघे लुना मोटार सायकल क्रमांक एम एच 13/ डी एल 4498 वरून मोहोळकडून सोलापूरच्या दिशेने निघाले होते, तर त्याचवेळी कार क्रमांक एम एच 12 /एन बी 3196 ही पाठीमागून त्याच दिशेने जात होती.
दोन्ही वाहने कोळेगाव फाट्याजवळ येताच कारने लुना मोटार सायकलला पाठीमागून जोराची धडक दिली, त्यात राधा जनार्दन मोटे यांचा मृत्यू झाला, तर जनार्धन मोटे हे जखमी झाले तातडीने त्यांना उपचारासाठी सोलापूर येथील सरकारी रुग्णालयात दाखल केले आहे, या अपघाताची नोंद मोहोळ पोलिसात झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.