मोहोळ (सोलापूर) : फोन करून बोलावून घेऊन पडसाळी (ता. माढा) येथील एकाला मोहोळ येथील हॉटेलमध्ये चाकूचा धाक दाखवून तीन महिलांनी मारहाण व दमदाटी करीत खिशातील रोख आठ हजार रुपये व एटीएम कार्ड काढून घेतले. याबाबत पोलिसात तक्रार केली तर छेडछाडीचा व बलात्काराचा गुन्हा दाखल करु व जीवे ठार मारण्याची धमकी दिल्याची घटना मंगळवारी (ता. 30) सकाळी दहाच्या सुमारास मोहोळ येथे घडली. दरम्यान, तिघींनाही मोहोळ पोलिसांनी अटक केली आहे. 

दादपूर येथील अपहरण झालेल्या युवकाचा खून; आरोपींना सात दिवस पोलिस कस्टडी

पडसाळी (ता. माढा) येथील अनिल नागनाथ देशमुख यांना आठ दिवसांपूर्वी एका मोबाईल नंबरवरून मिसकॉल आला. त्यांनी फोन करून चौकशी केली असता, तो वनिता पवार या महिलेचा असल्याचे समजले. त्यांचा व अनिल देशमुख यांचा परिचय नसल्याने देशमुख त्यावेळी जास्त काही बोलले नाहीत. त्यानंतर पुन्हा त्याच नंबरवरून वनिता पवार फोन करून सारखेच बोलू लागली. तिने मोहोळ येथे आपण भेटूया, असे म्हणून फोन करून बोलावून घेतले.

महाविकास आघाडीत शैला गोडसे यांची बंडखोरी; शिवसेनेने दाखवला थेट बाहेरचा रस्ता

त्यानुसार मंगळवारी सकाळी पावणे दहाच्या सुमारास अनिल देशमुख पडसाळी गावातून एकटेच दुचाकीवर अनिता पवार यांना भेटण्यासाठी मोहोळ येथे आले. एका हॉटेलमध्ये वनिता पिंटू पवार व तिच्यासोबत प्रीती लखन चव्हाण (रा. यल्लमवाडी, ता. मोहोळ) व माही नितीन काळे (रा. मानेगाव, ता. माढा) अशा तिघी होत्या. तिघींनीही अनिल देशमुख हॉटेलमध्ये गेल्यावर आपण चहा पिऊ, असे म्हणून आतमध्ये घेऊन गेल्या.

प्राथमिक आरोग्य उपकेंद्रांवरही 1 एप्रिलपासून लसीकरण ! मेपासून सर्वांनाच टोचली जाणार लस

त्या वेळी तिघांनीही पायातील चपला काढून अनिल देशमुख यांच्या तोंडावर मारण्यास सुरुवात केली. शिवीगाळी, दमदाटी करत चाकूचा धाक दाखवून खिशातील आठ हजार रुपये, एटीएम कार्ड असे बळजबरीने काढून घेतले. तू जर पोलिसात तक्रार केली तर आम्ही तुझ्या विरोधात छेडछाड व बलात्काराचा गुन्हा दाखल करतो, असे म्हणून जीवे मारण्याची धमकी दिली. याबाबत देशमुख यांनी फिर्याद दिली असून पोलिसांनी वरील तिघीच्या विरोधात गुन्हा दाखल केला आहे. हवालदार मालती नागरे-देशमुख तपास करीत आहेत.