पंढरपूर (सोलापूर) : पंढरपूर मंगळवेढा विधानसभा मतदार संघातील भारतीय जनता पक्षाचे उमेदवार समाधान अवताडे यांच्या प्रचारासाठी विरोधी पक्ष नेते देवेंद्र फडणवीस सोमवार आणि मंगळवार असे दोन दिवस पंढरपूर मंगळवेढा दौऱ्यावर येत आहेत. सोमवारी ते मंगळवेढा तालुक्यात तर मंगळवारी पंढरपूर तालुक्यात सभा घेणार आहेत, अशी माहिती भारतीय जनता पक्षाचे प्रवक्ते केशव उपाध्ये यांनी दिली.
पंढरपूर मंगळवेढा मतदार संघातील पोटनिवडणुकीच्या निमित्ताने उपमुख्यमंत्री अजित पवार हे नुकतेच पंढरपूर-मंगळवेढा दौरा करून गेले. त्यांनी सभाही घेतल्या आणि अनेक लोकांच्या घरी सदिच्छा भेटी देखील दिल्या. या पार्श्वभूमीवर भारतीय जनता पक्षाचे उमेदवार श्री. अवताडे यांच्या प्रचारासाठी विरोधी पक्षनेते श्री. फडणवीस हे सोमवार आणि मंगळवार असे दोन दिवस पंढरपूर मंगळवेढा दौऱ्यावर येत आहेत.
सोमवारी ते मंगळवेढा तालुक्यात बोराळे येथे सकाळी नऊ वाजता, नंदेश्वर येथे सकाळी दहा वाजता, डोंगरगाव येथे अकरा वाजता आणि मंगळवेढा शहरात दुपारी पावणे बारा वाजता येथे सभा घेणार आहेत तर मंगळवारी पंढरपूर तालुक्यात कासेगाव येथे दुपारी तीन वाजता, गादेगाव येथे दुपारी चार वाजता आणि पंढरपूर शहरात टिळक स्मारक मंदिराच्या पटांगणावर सायंकाळी पाच वाजता वाजता सभा घेणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.