सोलापूर : विश्‍वासपूर्ण सेवेसाठी प्रसिद्ध असलेल्या भारतीय टपाल विभागाविषयी सोलापुरातील डॉ. रमेश अग्रवाल यांनी केलेली तक्रार समोर आली आहे. डॉ. अग्रवाल यांच्या भावाने राजस्थानहून स्पीड पोस्टने पाठवलेल्या बॅगेतील साहित्य चोरी गेले आहे. याबाबत तक्रार करूनही समाधानकारक उत्तर मिळत नसल्याने त्यांनी नाराजी व्यक्त केली आहे. 

#Solapur : विमानतळातील गवताला लागली आग 

बॅग स्पीड पोस्टच्या पाठविली
डॉ. अग्रवाल हे काही दिवसांपूर्वी घरगुती कामानिमित्त राजस्थानला भावाकडे गेले होते. तेथील काम संपल्यानंतर ते परत सोलापुरात आले. तेथून निघताना सोबत असलेल्या सामानाचे वजन जास्त झाल्याने त्यांनी एक बॅग भावाकडे ठेवली होती. ती बॅग भावाने स्पीड पोस्टच्या माध्यमातून सोलापूरला डॉ. अग्रवाल यांच्या पत्त्यावर पाठविली.

तुझ्यासोबत लग्न करून चूक केली..!

नवीन बूट, साडी  गायब
बॅग पाठवताना वजन 10.190 किलो ग्रॅम इतके होते. येथे आल्यावर बॅग जशीच्या तशी होती, पण बॅगेचे वजन कमी होऊन 8.700 किलो ग्रॅम इतके झाले होते. बॅग उघडून पाहिले असता आतील 12 हजार किमतीचे अमेरिकेतून मागवलेले नवीन बूट, चार हजार रुपयांची साडी काढून घेतल्याचे लक्ष आले. या संदर्भात डॉ. अग्रवाल यांनी भारतीय टपाल विभागाच्या कार्यालयात तक्रार केली, पण महिना उलटून गेला तरी समाधानकारक उत्तर मिळत असल्याचे डॉ. अग्रवाल यांचे म्हणणे आहे. 

बॅगेतून चोरीला गेलेल्या माझ्या वस्तू सापडतील की नाही माहिती नाही, पण अशी घटना इतरांसोबत होऊ नये अशी माझी इच्छा आहे. तक्रारीनंतर मला फोन करून बोलावले होते. त्या ठिकाणी मला वस्तू सापडणे अवघड असल्याचे सांगून तक्रार मागे घेण्यास सांगितले. अशा सेवेमुळे टपाल विभागाची विश्‍वासार्हता कमी होत आहे. 
- डॉ. रमेश अग्रवाल, 
फॉरेस्ट 

डॉ. रमेश अग्रवाल यांची तक्रार टपाल विभागाकडे आली आहे. तक्रार निरीक्षकांकडून या प्रकरणाची चौकशी सुरू आहे. 
- जी. पी. दातार, 
सहायक अधीक्षक, टपाल विभाग