.सोलापूर: मुलगा वंशाचा दिवा... मृत आई-वडिलांच्या चितेला मुखाग्नी देण्याचा अधिकार मुलालाच... त्याने अग्नी दिला तरच आई-वडिलाला मोक्ष प्राप्त होतो... या विचाराने मुलीपेक्षा मुलाला प्राधान्य देणाऱ्या समाजात फक्त मुलीच असलेल्या आई-वडिलांनी मुलींमध्ये मुलाला शोधले आहे. तिला मुलासमान वागवून शिकवले-सवरल्याची उदाहरणे समाजात मोठ्या प्रमाणात आहेत. तसेच मुलगा नसताना व भाऊ, पुतणे असताना फक्त मुलीच्या हातूनच माझ्या चितेला मुखाग्नी द्यावा, अशी इच्छा व्यक्त केलेल्या वडिलाला चितेला मुलीने मुखाग्नी दिल्याची घटना पूर्वभागात गुरुवारी घडली.
हेही वाचाः महूद मध्ये नागरिकांनी अशी घेतली काळजी
सत्तर फूट येथील रहिवासी असलेले नाभिक समाजाचे नागरिक व मराठी चित्रपट अभिनय क्षेत्रात काम केलेले दत्तात्रय मल्लय्या तमनूर (वय 58) यांचे हृदयविकाराच्या झटक्याने बुधवारी (ता. 3) रात्री नऊ वाजता निधन झाले. त्यांना रूपा कोतवाल, सोनी कनकट्टी, शिल्पा वाघडोळे व पूजा कल्याणम या चार विवाहित मुली असून, मुले नाहीत. तसेच पाच भाऊ असून पुतणेही आहेत. फक्त मुलीच असल्याने मुलींच्या लहानपणी सहज त्यांनी माझ्या मृत्यूनंतर माझ्या चितेला माझी मोठी मुलगी रूपा हीच अग्नी देईल, अशी इच्छा व्यक्त केली होती.
(कै.) दत्तात्रय यांच्या चितेला समाजमान्यतेनुसार भाऊ किंवा पुतण्यांनी अग्नी दिला तरी चालले असते. मात्र मुलींना मुलाप्रमाणे वागवून मुलीच्याच हस्ते चितेला अग्नी देण्याची इच्छा व्यक्त केल्याने (कै.) दत्तात्रय यांच्या चितेला त्यांच्या पत्नी रेणुका तमनूर यांनी मुलीच्या हस्ते अग्निसंस्कार करण्याच्या संमतीने व समाजबांधव तसेच घरच्यांशी चर्चा करून त्यांची मोठी मुलगी रूपा हिच्या हस्ते मुखाग्नी देण्याचा निर्णय घेण्यात आला. गुरुवारी दुपारी त्याप्रमाणे (कै.) दत्तात्रय यांच्यावर अग्निसंस्कार करण्यात आले. या वेळी नाभिक समाज ज्ञाती संस्थेचे पदाधिकारी, समाजबांधव उपस्थित होते.
(कै.) दत्तात्रय तमनूर यांचा परिचय
1995 पासून जवाहर नाट्य संस्थेतून विविध नाटकांतून भूमिका सादर केल्या. गणपती वाणी,काळोखाच्या गर्भात, एक पाऊल पुढे व व्यावसायिक नाटक अहो मी तुमचीच,शेगावचे संत गजानन, हळद रुसली कुंकू हसली, दोस्त माझा मस्त, वारसा लक्ष्मीचा आदी मराठी चित्रपटांतून भूमिका केल्या. तसेच नीने रो पोलिस, नियंता खडघमया तेलुगु चित्रपटांत भूमिका केल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.