सोलापूर ः कोरोना विषाणूचा प्रादुर्भाव वाढू नये, यासाठी केंद्र सरकारने आरोग्य सेतू मोबाईल ऍप्लिकेशन लॉंच केले आहे. आतापर्यंत सोलापूर शहर व जिल्ह्यातील तीन लाख 920 नागरिकांनी आरोग्य सेतू ऍप डाऊनलोड केल्याची माहिती जिल्हाधिकारी मिलिंद शंभरकर यांनी दिली. हे ऍप मराठी, हिंदीसह एकूण 11 भाषांमध्ये उपलब्ध आहे.
हेही वाचा ः पंढरपुरात कोविड हाॅस्पीटल उभारण्याचे प्रयत्न
कोरोना विषाणूच्या प्रादुर्भावापासून दूर राहण्यासाठी माहिती सर्वांपर्यंत पोचावी आणि सर्वांनी याबाबत सजग राहावे, यासाठी हे ऍप मार्गदर्शन करेल. आरोग्य सेतू ऍप ब्लूटूथ आणि जीपीएस सिस्टिमचा वापर करून कोरोनासंदर्भात मार्गदर्शन करते. जीपीआरद्वारे व्यक्तीचे रिअल टाइम लोकेशन ट्रॅक करण्यात येते. कोणताही कोरोनाग्रस्त व्यक्ती जवळ आल्यास हे ऍप ट्रॅक करणार आहे. सहा फूट अंतरापर्यंत ऍप कोरोनाबाधित व्यक्तीला ट्रॅक करू शकते.
हेही वाचा ः अबब.. आत्तापर्यंत १३ हजार जणांवर कारवाई
कोरोना विरोधातील लढाईत लोकांना आरोग्य सेवेशी जोडणे, हा या ऍपचा प्रमुख उद्देश आहे. आयओएस आणि अँड्रॉईड फोनवर हे ऍप डाऊनलोड करता येते. कोरोनाला घाबरू नका, आरोग्य सेतू ऍप डाऊनलोड करा आणि कोरोनाशी संबंधित माहिती जाणून घ्या. आपल्या आजूबाजूला असलेल्या संक्रमित व्यक्तींची माहिती तसेच प्रत्येक राज्याचे हेल्प डेस्क नंबर आणि इतर महत्त्वपूर्ण माहिती जाणून घेण्यासाठी आरोग्य सेतू ऍप महत्त्वाचे आहे, असेही जिल्हाधिकारी शंभरकर यांनी सांगितले. हे ऍप्लिकेशन गुगल प्ले स्टोअरवर उपलब्ध आहे. अँड्रॉइड आणि आयओएस या दोन्ही सिस्टिमवर उपलब्ध आहे. ऍप्लिकेशनच्या साहाय्याने आपण, आपले कुटुंबीय, मित्र यांना विषाणूची बाधा होण्यापासून बचाव करता येणे शक्य आहे. या ऍप्लिकेशनमध्ये दिली जाणारी वैयक्तिक माहिती अतिशय सुरक्षित ठेवली जाणार आहे. याचबरोबर या ऍप्लिकेशनच्या माध्यमातून पीएम केअर्स निधीमध्ये योगदान देता येते. महाराष्ट्र
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.