कुर्डू(सोलापूर)ः बैल घेऊन जाणाऱ्या टेम्पोला लऊळजवळ ट्रकने कट मारल्याने पलटी होऊन एक बैल जखमी झालेल्यांची घटना आक्‍टोबर शुक्रवारी(ता.2) रोजी पहाटेच्या सुमारास घडली आहे. या मध्ये कोणतीही जिवीत हानी झाली नसुन पाच बैल व टेम्पोतील सहाजण बचावले आहेत. 

हेही वाचाः मळेगाव परिसरात मुसळधार पाऊस, शेताला आले तळ्याचे स्वरुप 

याबाबत अधिक माहिती अशी की कोल्हापूरहुन सहा बैल घेऊन एम एच 42 एक्‍यु 2264 हा बीडकडे जात होता. पहाटेच्या पाचच्या सुमारास लऊळ हद्दीतील कुर्मदास मंदीराकडे जाणाऱ्या रोडजवळ मोठ्या पुलाचे काम चालु असलेल्या पुलाजवळ आले असता पंढरपूरकडे जाणाऱ्या अज्ञात ट्रकने टेम्पोला कट मारला. टेम्पोला झोला बसल्याने टेम्पो पलटी झाला. यात असणाऱ्या सहा बैला पैकी एका बैलाचे शिंग मोडल्याने जखमी झाला व बाकीचे सहा व्यक्ती व पाच बैल हे या अपघातामधुन बचावले आहेत. 

हेही वाचाः सांगोला तालुक्‍याची नजरपैसेवारी पन्नास पैशापेक्षा अधिक 

पुलाच्या अर्धवट असलेल्या कामामुळे ता. 28 सप्टेंबर रोजी सायंकाळी शिराळ (मा) येथील मृतदेह घेऊन निघालेल्या नातेवाईकांच्या इंडीगो कारचा ही याच ठिकाणी गाडी अर्थवट रोडवरुन खाली जाऊन अपघात झाला. त्यामध्ये गाडीतील मृताची पत्नी गंभीर जखमी झाली आहे. हे अर्धवट काम त्वरीत पुर्ण करण्याची मागणी वाहन चालक यांच्या कडुन होत आहे. 

अर्धवट पुलाचे काम पूर्ण करावे 
या अर्धवट असलेल्या पुलाचे काम त्वरित पूर्ण करून तो संपूर्ण रित्या वाहतुकीसाठी खुला करावा व अपूर्ण काम ठेवल्याबद्दल संबंधित ठेकेदारावर गुन्हा दाखल करावा अन्यथा महाराष्ट्र नवनिर्माण सेना स्टाईल ने आम्ही आंदोलन करु 
- दिलीप जोशी, उपसरपंच लऊळ  
 

संपादनः प्रकाश सनपूरकर