सोलापूर ः जागतिक शांतता समितीच्या वतीने फेब्रुवारी 2020 मध्ये बांगलादेशातील राजशाही शहरात आंतरराष्ट्रीय राजदूत परिषदेचे आयोजन करण्यात आले आहे. त्याचे बोधचिन्ह सोलापुरात तयार झाले आहे. येथील कलाकार राजेंद्र अंकम यांनी ते हातमागावर बनविले असून, ते या परिषदेत वापरले जाणार आहे. 

हेही वाचा.. सीसी टीव्ही नसलेल्या ठिकाणी करायचे ते घरफोडी 

ही आहे पहिलीच परिषद 
बांगलादेशात होणारी जागतिक स्तरावरील ही पहिलीच परिषद आहे. 20 ते 22 फेब्रुवारी यादरम्यान ही परिषद होईल. जागतिक स्तरावर वाढलेल्या दहशतवादावर कसे नियंत्रण आणायचे, या संदर्भात या परिषदेत चर्चा होणार आहे. या परिषदेच्या नियोजनासाठी सोलापुरातून प्रा. गणेश चन्ना यांना निमंत्रित करण्यात आले आहे. त्यानुसार लवकरच या परिषदेचा आराखडा तयार केला जाणार आहे. 

हेही वाचा... हळव्या विद्यार्थ्यांची द्रवली मने 

यापूर्वी केले दिग्गजांचे पोट्रेट 
श्री. अंकम यांनी यापूर्वी अमेरिकेचे राष्ट्राध्यक्ष डोनाल्ड ट्रम्प, संयुक्त रशियाचे राष्ट्राध्यक्ष व्लादिमीर पुतीन यांच्यासह जर्मनी, ऑस्ट्रेलिया आदी देशांच्या राष्ट्राध्यक्षांचे पोट्रेट तयार केले आहे. या नेत्यांना प्रत्यक्ष भेटून किंवा त्या-त्या देशांतील राजदूतांमार्फत हे पोट्रेट दिले जाणार आहेत. पंतप्रधान नरेंद्र मोदी यांचे पोट्रेटही त्यांना नुकतेच त्यांनी भेट म्हणून दिले. श्री. मोदी यांनी या कलेची आत्मीयतेने स्तुती केली होती. आता स्मृती इराणी, अमित शहा, प्रकाश जावडेकर, नितीन गडकरी, देवेंद्र फडणवीस, सुशीलकुमार शिंदे, शरद पवार, सचिन तेंडुलकर, भारतातील प्रसिद्ध उद्योजक रतन टाटा, मित्तल, अदानी, अंबानी आदींचे पोट्रेट विणून त्यांना प्रत्यक्षात भेट देण्याचे नियोजन श्री. अंकम यांनी केले आहे. त्यामध्ये आता या बोधचिन्हाची भर पडली आहे. 

हेही पहा.... (VIDEO)