Three thousand animals were hanged in Vejegaon 
पश्चिम महाराष्ट्र

वेजेगाव येथील तीन हजार जनावरांचा जीव टांगणीला

सचिन निकम

लेंगरे : वेजेगाव (ता. खानापूर) येथील पशुवैद्यकीय दवाखाना डॉक्‍टर, कर्मचाऱ्याविना ओस पडला असल्याने परिसरातील सुमारे तीन हजार जनावरांचा जीव टांगणीला लागला आहे. 

लाखो रुपये खर्च करून शासनाने सर्वसोयींनी युक्त दवाखाना बांधला, परंतु दवाखाना असूनही जनावरांची गैरसोय सुरूच आहे. कोरोनाप्रमाणे जनावरांत संसर्गजन्य रोगराई पसरली आहे. यात लॅम्पी या रोगांचा फैलाव मोठ्या प्रमाणात वाढीस लागला आहे. 

अगोदरच कोरोना, अतिवृष्टीमुळे खचलेल्या शेतकऱ्यांना खासगी पशुवैद्यकीय डॉक्‍टरचा आधार घ्यावा लागत आहे. त्यामुळे शेतकऱ्यांना अधिकची झळ सोसावी लागते. परिसरातील वेजेगाव, वलखड, भिकवडी बुद्रुक, साळशिंगे, भेंडवडे गावातील जनावरांच्या सोयीसाठी वेजेगाव येथे "अ' वर्ग दर्जाचा पशुवैद्यकीय दवाखाना आहे. दवाखान्याच्या परिसरातील गावात शेळ्या-मेंढ्या जनावरांची सुमारे तीन हजारांवर संख्या आहे. येथील पशुवैद्यकीय अधिकारी डॉ. हसबे यांची पदोन्नतीने खानापूरला बदली झाली. या दवाखान्यात अगोदरच ड्रेसर, शिपाई याच्या जागा रिक्त आहेत. 

आता येथील दवाखान्याचा कार्यभार माहुलीच्या डॉक्‍टरकडे सोपविण्यात आला आहे. दोन दिवस दवाखान्यात उपस्थित राहण्याचे वेळापत्रक आहे; पण माहुलीचे प्रभारी डॉक्‍टर अपवादानेच त्यांच्या सोयीनुसार दवाखान्यात उपस्थित राहतात. त्यामुळे दवाखान्यात पशुवैद्यकीय अधिकारी, कर्मचारी नसल्याने सध्या सुरू असलेले लसीकरणाचे काम खासगी डॉक्‍टरवर सोपवू लागले आहेत. 

परिसरातील जनावरांसाठी शासनाने उभारलेला सुसज्ज दवाखाना कुचकामी ठरला आहे. शासकीय दवाखान्यात जनावरांना उपचार मिळत नसल्याने शेतकऱ्यांना जनावरांच्या उपचारासाठी खासगी डॉक्‍टरांची मदत घ्यावी लागते. खासगी डॉक्‍टर मात्र शेतकऱ्यांची अडवणूक करून आर्थिक लूट करीत आहेत. पशुवैद्यकीय दवाखान्याची परवड अनेक वर्षांपासून अशीच सुरू असल्याने "असून अडचण, नसून खोळंबा' अशी दवाखान्याची स्थिती झाली आहे. 


संपादन : प्रफुल्ल सुतार 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

तब्बल 18 वर्षांनंतर ठाकरे बंधू दिसणार एकाच मंचावर; शिवसेना-मनसेची आज संयुक्त विजयी रॅली, मराठीसाठी 'या' नेत्यांची धडाडणार तोफ

मोठी बातमी! आषाढी सोहळ्याच्या रात्री उघडणार उजनी धरणाचे १६ दरवाजे; सध्या धरणात १७ हजार क्युसेकची आवक, धरणाची पाणीपातळी ७७ टक्क्यांवर

PM Narendra Modi: भारतासाठी आकाशही ठेंगणे; पंतप्रधान मोदी यांचे गौरवोद्‌गार

Latest Maharashtra News Updates : विजयी मेळाव्यानिमित्त ठाकरे बंधू येणार एकाच व्यासपीठावर, शिवसेना-मनसेचा आज भव्य मेळावा

Ashadi Wari 2025: पंढरीची वारी पोचली लंडनच्या दारी!विठ्ठल-रुक्मिणीच्या पादुकांसह २२ देशांतून ७० दिवसांचा प्रवास

SCROLL FOR NEXT