पिंपरी : कबुतरे उडविल्याच्या कारणावरून कुऱ्हाडीने प्राणघातक हल्ला केल्याप्रकरणी सावत्र आई व सावत्र भावासह सात जणांवर गुन्हा दाखल झाला आहे. ही घटना चिखली येथे घडली. 

सागर दयानंद कांबळे (रा. बोल्हाईमळा कॉलनी नंबर 9, जाधववाडी, चिखली) यांनी फिर्याद दिली आहे. त्यानुसार फिर्यादीचा सावत्र भाऊ सिद्धेश्‍वर कांबळे, फिर्यादीची सावत्र आई माया कांबळे (दोघेही रा. बोल्हाईमळा कॉलनी नंबर 9, जाधववाडी, चिखली) यांच्यासह आणखी पाच जणांवर गुन्हा दाखल झाला आहे.

राज्यपालांनी आता आमचा अंत पाहू नये : अजित पवार 

गुरूवारी (ता.4) रात्री साडेदहाच्या सुमारास फिर्यादी हे जेवण करून त्यांच्या घरासमोर उभे होते. त्यावेळी फिर्यादी यांचा भाऊ श्रीधर याने कबुतरे उडविल्याच्या कारणावरून आरोपींनी फिर्यादीला शिवीगाळ केली. तर श्रीधर यास "घराबाहेर ये तुला खूप मस्ती आली आहे', असे म्हणत त्यास शिवीगाळ केली.

दरम्यान, माया कांबळे हिने फिर्यादीला पकडले तर सिद्धेश्‍वर याने कुऱ्हाडीने फिर्यादीच्या डोक्‍यात, पाठीवर, हातावर वार केले. तसेच माया कांबळे हिच्यासह इतर आरोपींनी फिर्यादीला लाथाबुक्‍क्‍यांनी मारहाण केली. या प्राणघातक हल्ल्यात ते गंभीर जखमी झाले. याप्रकरणी चिखली पोलिस ठाण्यात गुन्हा दाखल असून पोलिस अधिक तपास करीत आहेत. 

अखेर कात्रज-स्वारगेट बीआरटीमार्गावर धावली बस; पाहा व्हिडिओ