पिंपरी : वाकड परिसरातील वीजपुरवठा सुरळीत राहण्याकरिता आवश्यक उपाययोजना करण्यासाठी महावितरणने सकाळपासून वीजपुरवठा खंडित केला आहे. याबाबत महावितरणे नागरिकांना कळविले होते. परंतु, रविवार सुटीचा दिवस असल्याने पूर्ण दिवस रहिवाशांना अंधारात घालवावा लागला.
वाकड, विशाल नगर, कस्पटेवस्ती, पिंपळे निलख आदी परिसरातील वीज वाहिन्यांमध्ये वारंवार बिघाड झाल्याने वीजपुरवठा खंडित होत होता. उच्च्रभू सदनिकाधारकांनी लोकप्रतिनिधींकडे तक्रारी केल्या होत्या. त्यामुळे शनिवारी (ता. 26) महावितरण अधिकारी, कर्मचारी व सदनिकाधारक, लोकप्रतिनिधी यांनी बैठक घेतली. महावितरणने आज (ता.27) दुरुस्तीचे काम घेतले होते. त्याअंतर्गत वाकड गावठाणातील महापालिकेच्या प्राथमिक शाळेजवळील रस्त्याच्या मधोमध असलेला तसेच, नागरिकांना अडथळा ठरणारा ट्रान्सफॉर्मर व इडन टॉवर फिडर हटविण्यात आला. त्याचे दुसऱ्या जागेवर स्थलांतर केले आहे.
महावितरणने दुरुस्तीचे काम सुरू केल्यामुळे सकाळी साडेदहा वाजल्यापासून वीज गायब झाली. त्याचा परिणाम ग्रीन स्पेस, रोहन तरंग, माउंटवर्ट वन, अजिंक्य हॉटेल, साई इरॉला, रिव्हर रोड परिसरातील ग्राहकांवर झाला. मात्र, महावितरण अगोदरच कळविल्यामुळे नागरिकांनी तक्रार केली नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.