पिंपरी - प्रेम प्रकरणातून महिला उपनिरीक्षकाशी झालेल्या वादातून पोलिस ठाण्यात आत्महत्येचा प्रयत्न करणाऱ्या पोलिसासह कर्मचाऱ्यासह मद्यप्राशन करून पोलिस व्हॅन चालवणाऱ्या पोलिस कर्मचाऱ्याला सेवेतून निलंबित करण्यात आले आहे.
अनिल संपत निरवणे व संदीप तांबट अशी निलंबित केलेल्या पोलिसांची नावे आहेत. निरवणे दिघी पोलिस ठाण्यात तर तांबट हे चिंचवड ठाण्यात शिपाई पदावर कार्यरत आहेत. निरवणे व महिला पोलिस उपनिरीक्षक यांचे मागील दीड वर्षांपासून प्रेमसंबंध होते. दरम्यान, त्यांच्यात अंतर्गत वादविवाद झाले. त्यातून चिडून निरवणे यांनी उपनिरीक्षक महिलेला जीवे मारण्याची धमकी दिली. तसेच स्वतःच्या जीवाचे बरेवाईट करुन घेण्याची धमकी देत 1 जानेवारीला रात्री दिघी पोलिस ठाण्याच्या इमारतीवरून उडी मारुन आत्महत्या करण्याचा प्रयत्न केला. हा प्रकार उघडकीस आल्यानंतर वरिष्ठ पोलिस अधिकाऱ्यांनी तत्काळ यावर निर्णय घेतला. मंगळवारी निरवणे यांना निलंबन करण्यात आले.
तसेच तांबट यांनी कर्तव्यावर असताना मद्यप्राशन केले. मद्यप्राशन करून पोलिस व्हॅन चालविताना आढळल्याने त्यांनाही सेवेतून निलंबित करण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.