वडगाव मावळ (पुणे) : मावळ तालुक्यात गुरुवारी दिवसभरात १०१ जणांचे कोरोना चाचणी अहवाल पॉझिटिव्ह आले. कोरोनामुक्त झालेल्या १८० जणांना घरी सोडण्यात आले. तालुक्यात कोरोनामुक्त होणाऱ्यांचे प्रमाण चांगले असल्याने दिवसेंदिवस रुग्णांची संख्या वाढत असताना सक्रिय रुग्णांची संख्या मात्र, कमी होत आहे. सध्या ८५४ सक्रिय रुग्ण आहेत.
तालुक्यातील एकूण रुग्णसंख्या चार हजार २०८ झाली आहे. आतापर्यंत १३६ जणांचा मृत्यू झाला असून, तीन हजार २१८ जणांनी कोरोनावर मात केली आहे. गुरुवारी कोरोना पॉझिटिव्ह आलेल्या १०१ जणांमध्ये तळेगाव दाभाडे येथील सर्वाधिक ३४, लोणावळा येथील २७, तळेगाव दाभाडे ग्रामीणमधील आठ, वडगाव व कामशेत येथील प्रत्येकी सहा, माळवाडी येथील चार, कुसगाव बुद्रुक येथील तीन, कुसगाव खुर्द, आर्डव व तुंग येथील प्रत्येकी दोन; कुरवंडे, इंदोरी, कान्हे, आंबी, वडिवळे, डोणे व चावसर येथील प्रत्येकी एक जणाचा समावेश आहे.
तालुक्यातील कोरोना रुग्णांची संख्या चार हजार २०८ झाली असून, त्यात शहरी भागातील दोन हजार ४५१ व ग्रामीण भागातील एक हजार ७५७ जणांचा समावेश आहे. तळेगावात सर्वाधिक एक हजार २८६, लोणावळा येथे ९०७ आणि वडगाव येथे रुग्णसंख्या २५८ एवढी झाली आहे. आतापर्यंत १३६ जणांचा मृत्यू झाला आहे. तीन हजार २१८ जणांनी कोरोनावर मात केली आहे. गुरुवारी १८० जणांना घरी सोडण्यात आले. सध्या तालुक्यात ८५४ सक्रिय रुग्ण असून, त्यातील ५९६ लक्षणे असलेले व २२९ लक्षणे नसलेले रुग्ण आहेत. लक्षणे असलेल्या ५९६ जणांमध्ये ४७१ जणांमध्ये सौम्य, तसेच १२३ जणांमध्ये मध्यम स्वरूपाची लक्षणे आहेत. दोन जण गंभीर आहेत. सध्या सक्रिय असलेल्या ८५४ जणांवर विविध ठिकाणी उपचार सुरु असल्याची मावळ तालुका कोविड कक्षाचे समन्वयक डॉ. गुणेश बागडे यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.