पिंपरी : शिक्षण हक्क कायद्याअंतर्गत शहरात दोन हजार पाल्यांचे प्रवेश निश्‍चित झाले आहेत, तर तेवढ्याच संख्येने प्रतीक्षा यादीतील पाल्यांची संख्या आहे. शाळा सुरू होऊन चार महिन्यांचा कालावधी उलटला आहे. मात्र, प्रतीक्षा यादीतील पालकांनी मुलांच्या प्रवेशासाठी शाळेत जाऊ नये, त्यांना आरटीईच्या वेबसाइटवर कळविले जाईल, अशा सूचना प्रशासनाकडून येत आहेत. त्यामुळे पालकांमध्ये प्रवेशाबाबत संभ्रम निर्माण होत आहे.
"आरटीई'अंतर्गत प्रवेश होणाऱ्या विद्यार्थ्यांचे शैक्षणिक नुकसान होऊ नये, तसेच प्रक्रिया वेळेत पूर्ण व्हावी. यासाठी पिंपरी आणि आकुर्डी या विभागवार कागदपत्रांची पडताळणी सुरू आहे. पालक दिलेल्या तारखेला शाळेत जाऊन प्रवेशनिश्‍चिती करत आहेत. मात्र, प्रवेश प्रक्रियेला चार महिने उशीर झालेला असताना, निवड झालेल्या पाल्यांचाच अद्याप प्रवेश निश्‍चित झालेला नाही. परिणामी प्रतीक्षा यादीतील विद्यार्थ्यांचा नंबर कधी येईल, या प्रतीक्षेत पालक आहेत.
काय म्हणताहेत पालक...
आता सर्व खासगी शाळांची खुली प्रवेश प्रक्रिया संपली असून, पहिली घटक चाचणी परीक्षा घेण्यात येत आहे. त्यामुळे आरटीईमधून प्रवेश मिळविण्याचा प्रयत्न करणारे पालक अस्वस्थ झाले आहेत. शहरातील अडीच हजार पाल्य सरकारच्या निर्णयाची वाट पाहत आहेत. आर्थिक अडचणीत असताना प्रवेश कुठे घ्यावा याविषयी पालकांमध्ये संभ्रम आहे. प्रतीक्षा यादीतील मुलांचे प्रवेश निश्‍चित करावेत.
- हेमंत मोरे, अध्यक्ष, आरटीई पालक संघ
निवड झालेल्या विद्यार्थ्यांच्या प्रवेशानंतरच प्रतीक्षा यादीतील मुलांचा नंबर लागेल. 15 सप्टेंबरनंतर सगळे चित्र स्पष्ट होईल. त्या मुलांबाबत अद्याप ठोस निर्णय झालेला नाही.
- पराग मुंढे, सहाय्यक प्रशासन अधिकारी, शिक्षण विभाग
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.