पिंपरी : "आम्ही मास्कचा वापर नेहमी व यथायोग्य पद्धतीने करणार. एकमेकांपासून शारीरिक अंतर व मानसिक जवळिक राखणार. गर्दीच्या ठिकाणी जाणे आणि गर्दी करणे टाळणार. कोरोना आजाराबद्दल इतरांना प्रेमाने समजून सांगणार,' अशी शपथ महापालिकेचे पदाधिकारी, अधिकारी व कर्मचाऱ्यांनी बुधवारी घेतली.
"माझे कुटुंब माझी जबाबदारी' मोहिमेचा दुसरा टप्पा बुधवारपासून सुरू झाला. त्याचा समारोप 25 ऑक्टोबर रोजी होणार आहे. त्याअंतर्गत "पिंपरी-चिंचवडकरांचा निर्धार, करुया कोरोना हद्दपार' कार्यक्रम महापालिका भवनात आयोजित केला होता. त्यात आयुक्त श्रावण हर्डीकर यांनी सर्वांना शपथ दिली. महापौर उषा ढोरे, उपमहापौर तुषार हिंगे, स्थायी समिती सभापती संतोष लोंढे, सत्तारुढ पक्षनेते नामदेव ढाके, आयुक्त श्रावण हर्डीकर, नगरसेवक शशिकांत कदम, अंबरनाथ कांबळे, संतोष कांबळे, अतिरिक्त आयुक्त संतोष पाटील, अतिरिक्त आरोग्य वैद्यकीय अधिकारी डॉ. पवन साळवे, महिला वैद्यकीय अधिकारी डॉ. वर्षा डांगे, सहाय्यक आयुक्त आण्णा बोदडे, संदिप खोत, स्मिता झगडे, आशादेवी दुरगुडे, सामाजिक कृती दलाचे डॉ. सुभाष साळुंखे आदी उपस्थित होते.
महापौर ढोरे म्हणाल्या, ""कोरोना संसर्गात रुग्णसंख्येत घट होत असली तरी, त्याच्या समूळ उच्चाटनाची लढाई अजून जिंकायची आहे. त्यासाठी एकजुटीने प्रयत्न करायचा आहे.'' ढाके म्हणाले, ""कोरोना रोखण्यासाठी लोकसहभाग महत्त्वाचा आहे. त्यामुळेच कोरोना मुक्तीची मोहीम यशस्वी होईल.'' प्रफुल्ल पुराणिक यांनी सूत्रसंचालन केले.
Video : ‘जंबो’नं दिलं नवं आयुष्य; रुग्णांनी व्यक्त केली कृतज्ञता
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.