पिंपरी, ता. 10 : पिंपरी चिंचवड महापालिकेच्या तीन नगरसेवकांचा कोरोनामुळे मृत्यू झाला. त्यांच्या रिक्त झालेल्या या जागांवर डिसेंबर महिन्यात पोटनिवडणूक होण्याची शक्‍यता आहे. त्यासाठी इच्छुकांनी मोर्चेबांधणी सुरू केली आहे. विविध सार्वजनिक कार्यक्रमांच्या माध्यमांतून जनसंपर्क वाढविण्यावर भर दिल्याचे दिसून येत आहे.
कोरोनाच्या महामारीचा सर्वाधिक फटका राष्ट्रवादी पक्षाला बसला आहे. त्यांचे चिखली-म्हेत्रेवस्तीतील माजी विरोधी पक्षनेते नगरसेवक दत्ता साने यांचे 4 जुलैला तर आकुर्डी - विठ्ठलवाडीतील नगर सेवक जावेद शेख यांचे 31 जुलै निधन झाले. त्यानंतर भाजपचे दिघीतील नगर सेवक लक्ष्मण उंडे यांचा 26 सप्टेंबरला मृत्यू झाला. मुंबई महापालिका नियमानुसार नगर सेवकपद रिक्त झाल्यावर त्या जागेवर सहा महिन्यांच्या आत निवडणुका घेणे बंधनकारक आहे. नगरसेवकांच्या निधनानंतर महापालिकेच्या निवडणूक विभागाने तत्काळ राज्य निवडणूक आयोगाला कळविले आहे. मात्र अद्याप राज्य निवडणूक आयोगाकडून निवडणूक कार्यक्रम जाहीर करण्यात आलेला नाही.
दरम्यान, सध्या इच्छुकांनी प्रभागात फ्लेक्‍सबाजी, तसेच सोशल मिडीयावर विविध पोस्ट व व्हिडीओचे प्रसारण केले जात आहे. याबरोबरच दिवंगत लोकप्रतिनिधीच्या जवळच्या नातेवाइकांनीदेखील निवडणुकीसाठी कंबर कसलेली दिसत आहे. दुसरीकडे निवडणूक घेण्याऐवजी संबंधित नगर सेवकांच्या नातेवाइकांनाच बिनविरोध निवडून देण्याबाबत सर्वच राजकीय पक्षांनी विचार करावा, असाही एक मतप्रवाह तयार झाला आहे. तसेच सभा, प्रचारामुळे कोरोनाचा संसर्ग वाढण्याचा धोका टळेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.