Video: सरकार चित्रपटाच्या साम दाम दंड भेद गाण्यावर टोळी नाचताना दिसतेय.

सोशल मिडियावर थेरगाव क्वीन (Thergaon queen) नावनं अकाऊंट तयार करत शिव्या आणि धमक्या देत व्हिडिओ तयार करणाऱ्या एका युवतीला पिंपरी-चिंचवड पोलिसांनी (Pimpri Chinchwad Police) चांगलाच धडा शिकवला. सोशल मिडियावर (Social Media) रील व्हायरल (Thergaon Queen Reel) करत दहशत निर्माण करण्याचा प्रयत्न करणाऱ्या 'थेरगाव क्विन' आणि तिच्या मित्रांच्या मुसक्या आवळत पोलिसांनी त्यांना वठणीवर आणण्याचं काम केलं. हे सर्व प्रकरण चर्चेत असतानाच या तरुणीचा आणखी एक व्हिडिओ समोर आला आहे.

पोलिसांनी या तरुणीला समज देऊन सोडलं असून, या तरुणीसह असणाऱ्या एका कुणाल कांबळे नावाच्या युवकाने पोलिसांसमोर माफी मागितली. त्यानंतर त्यांना सोडून देण्यात आलं. मात्र सध्या सोशल मिडियावर एक व्हिडिओ व्हायरल होत असून, तुरुंगाबाहेर आल्यानंतरचा हा व्हिडिओ असल्याचं बोललं जातं आहे. मात्र हा व्हिडिओ नेमका कधीचा आहे, याबद्दल स्पष्ट माहिती मिळू शकलेली नाही.