सेलिब्रिटी कपल विकी कौशल (Vicky Kaushal) आणि कतरीना कैफ (Katrina Kaif) यांचा लंडनमध्ये फिरतानाचा व्हिडीओ व्हायरल झाल्यापासून त्यांच्या प्रेग्नेंसीच्या चर्चांनी जोर धरलाय. कतरीना प्रेग्नेंट असल्याची बातमी सगळीकडे फिरत असून अजून याबाबत या दोघांनीही कोणतंही स्पष्टीकरण दिलं नाहीये.

त्यातच आता विकीने काही महिन्यांपूर्वी बाळाबाबत केलेलं वक्तव्य पुन्हा चर्चेत आलंय.

विकी आणि कतरिनाच्या लग्नाला दोन वर्ष पूर्ण होण्यापूर्वी विकीने एक मुलाखत दिली होती. या मुलाखतीमध्ये विकीला बाळाविषयी प्रश्न विचारण्यात आला. यावेळी विकीने "आमच्यावर बाळासाठी दोन्ही कुटुंबांकडून बिलकुल दबाव नाही. ते सगळे खूप कुल आहेत" असं उत्तर दिलं.

त्यानंतर बराच काळ विकी आणि कतरीना यांच्या प्रेग्नेंसीच्या चर्चा थांबल्या होत्या. पण आता या व्हिडीओमुळे पुन्हा चर्चा झालीये.

अशी सुरु झाली प्रेग्नेंसीची चर्चा आणि सूत्रांकडून माहिती

लंडनमध्ये हातात हात घेऊन फिरतानाचा त्यांचा व्हिडीओ चर्चेत आहे आणि त्यातील कतरीनाचा लूक बघून अनेकांनी ती प्रेग्नेंट असल्याचा कयास बांधलाय आणि सोशल मीडियावर ही गोष्ट खूप चर्चेत आहे. बेबी बंप लपवण्यासाठी कतरीनाने लॉँग ओव्हरकोट घातला असल्याची चर्चा सोशल मीडियावर रंगलीये.

झूम टीव्हीच्या हवाल्याने सूत्रांनी दिलेल्या बातमीनुसार,"कतरीना आणि विकी त्यांच्या पहिल्या बाळाला लंडनमध्ये जन्म देणार आहेत. त्यांनी ही बातमी लपवण्याचा प्रयत्न केला पण अखेर ही गोष्ट उघड झालीये. विकी कतरीनासाठी लंडनला गेलाय आणि ती तिथेच बाळाला जन्म देणार आहे."

2021 मध्ये विकी आणि कतरिनाने राजस्थानमध्ये लग्न केलं. त्यांच्या लग्नाला अतिशय मोजकी मित्रमंडळी आणि कुटूंबीय होते. बॉलिवूडमधील फार कमी कलाकरांना या लग्नाचं आमंत्रण देण्यात आलं होतं. त्यांच्या लग्नाबद्दल बरीच गुप्तता सुरुवातीच्या काळात राखण्यात आली होती. सोशल मीडियावर या जोडीच्या लग्नाचे फोटो व्हायरल झाले होते. विकीचा लवकरच 'छावा' हा सिनेमा प्रेक्षकांच्या भेटीस येणार आहे. या सिनेमात तो छत्रपती संभाजी महाराजांची भूमिका साकारतोय.