कान चित्रपट महोत्सवामुळे अभिनेत्री छाया कदम चर्चेत आहेत. त्यांच्या सिनेमाला सेलिब्रिटी आणि समीक्षकांनी स्टँडिंग ओव्हेशन देत त्यांचं कौतुक केलं. छाया यांच्या या यशाचं सध्या सगळीकडे कौतुक होतंय.मराठी ते बॉलिवूड असा प्रवास करणाऱ्या छाया यांचा अभिनयक्षेत्रात कसा प्रवास झाला जाणून घेऊया

'त्या' घटनेने बदललं छाया यांचं आयुष्य

राजश्री मराठीला दिलेल्या मुलाखतीत छाया यांनी त्यांच्या लहानपणीच्या आठवणी सांगितल्या. मुंबईच्या कामगार वस्तीत छाया यांचं बालपण गेलं. लहानपणी किंवा कॉलेजमध्ये असताना त्यांनी कधीच नाटकात किंवा अभिनयाशी संबंधित कोणत्याही स्पर्धेत भाग घेतला नव्हता. त्या उत्तम कबड्डी प्लेयर होत्या. त्या कायमच मैदानावर खेळत असायच्या. वडिलांचा सपोर्ट असल्यामुळे त्यांचं आयुष्य उत्तम सुरु होतं. असंच सगळं नीट सुरु असताना एके दिवशी छायाच्या वडिलांचं निधन झालं. त्यातून सावरत असतानाच वर्षभरातच त्यांचा भाऊही वारला.

या दरम्यान छाया याना कुणीही फार मित्र नव्हते. आयुष्यात पुढे काय करायचं आहे ते त्यांना माहित नव्हतं. मग त्यांनी एक नाटकाचं वर्कशॉप केलं. त्यातून त्यांना एका नाटकात काम मिळालं. त्यानंतर बराच काळ त्यांच्या हातात काम नव्हतं पण नंतर त्यांनी 'झुलवा' या नाटकात काम केलं. तिथूनच त्यांना फॅन्ड्रीमधील भूमिका मिळाली आणि त्यानंतर त्यांना कधीच मागे वळून बघावं लागलं नाहीये.

छाया यांची कारकीर्द

छाया यांनी 'बाईमाणूस' या सिनेमातून मराठी सिनेविश्वात पदार्पण केलं. 'मी सिंधुताई सपकाळ','फॅन्ड्री','सिंघम रिटर्न्स','फॅन्ड्री','सैराट' सिनेमात त्यांनी काम केलं. या सिनेमांमधील त्यांचं काम गेलं. 'न्यूड' सिनेमातील त्यांच्या भूमिकेला अनेक पुरस्कार मिळाले. तर लापता लेडीजमधील त्यांची भूमिका खूप गाजली.

कान मध्ये स्टँडिंग ओव्हेशन

छाया यांच्या 'All we imagine as light' या सिनेमाला कान फिल्म फेस्टिव्हलला स्टँडिंग ओव्हेशन मिळालं. यावेळी छाया यांना अश्रू अनावर झाले. सोशल मीडियावर त्यांचे व्हिडीओ व्हायरल झाले आहेत. यावेळी त्यांच्या सिनेमाची संपूर्ण कास्ट उपस्थित होती.