Neeta and Mukesh Ambani Video : सध्या सगळीकडे चर्चा आहे ती अनंत आणि राधिका यांच्या लग्न सोहळ्याची. 12 जुलैला पार पडणाऱ्या या आलिशान लग्न सोहळ्यात अनेक दिग्गज लोक उपस्थित राहणार आहेत. सोशल मीडियावर या लग्नापूर्वीचे कार्यक्रम हे चांगले चर्चेत आहेत. नुकताच राधिका आणि अनंत यांचा संगीत सोहळा पार पडला आणि यानिमित्त अनंतचेआई-वडील मुकेश आणि नीता अंबानी यांनी एक खास म्युझिक व्हिडिओ सोशल मीडियावर शेअर केला. हा व्हिडिओ सध्या चांगलाच गाजतोय.

अनंत आणि राधिका यांच्या संगीत सोहळ्यानिमित्त मुकेश आणि नीता यांनी 1968 साली गाजलेल्या 'ब्रम्हचारी' सिनेमातील 'चक्के पे चक्का' या गाजलेल्या गाण्यावर एक व्हिडिओ बनवला असून हा व्हिडिओ सोशल मीडियावर चांगलाच गाजतोय. या व्हिडिओमध्ये एकेकाळी गाजलेलं हे गाणं पुन्हा एकदा रीक्रिएट करण्यात आलंय. मुकेश आणि नीता यांचा रोमँटिक अंदाज दिसत असून अगदी फिल्मी स्टाईल मध्ये या दोघांनी गाण्यासोबत लिप सिंंक्रोनाइज सुद्धा केले आहेत. त्यांच्याबरोबर त्यांची नातवंड आदिया, वेदा, कृष्णा आणि पृथ्वी दिसत आहेत.

सोशल मीडियावर हा व्हिडिओ चांगलाच वायरल झाला असून अनेक आणि अंबानी दांपत्याच्या या प्रयत्नाचे कौतुक केलंय. या सहा जणांनी या व्हिडिओच्या माध्यमातून अनंत आणि राधिका च्या संगीत सोहळ्याचा मूड सेट केला असं म्हणायला हरकत नाही.

अनंत आणि राधिकाच्या सांगितला बॉलीवूडमधील अनेक दिग्गज सेलिब्रिटीजनी हजेरी लावली. माधुरी दीक्षित आणि तिचे पती श्रीराम नेने, महेंद्रसिंग धोनी आणि त्याची पत्नी साक्षी, दीपिका पदुकोण आणि रणवीर सिंग, रणबिर कपूर, आलिया भट यांसारख्या अनेक दिग्गज सेलिब्रिटीजनी या संगीत सोहळ्याला हजेरी लावली होती तर सुप्रसिद्ध हॉलिवूड गायक जस्टिन बीबरने या संगीत सोहळ्याला परफॉर्मन्स सादर केला. सोशल मीडियावर या आलिशान संगीत सोहळ्याचे सगळेच व्हिडिओ चांगलेच गाजत आहेत तर सेलिब्रिटीच्या लुकची ही चर्चा सोशल मीडियावर पाहायला मिळतेय.