Naach Ga Ghuma: गेल्या काही दिवसांपासून विविध विषयांवर आधारित असणारे मराठी चित्रपट प्रेक्षकांच्या भेटीला येत आहे. स्त्रीप्रधान मराठी चित्रपटांना प्रेक्षकांची पसंती मिळत आहे. झिम्मा, बाईपण भारी देवा या चित्रपटानंतर आता नाच गं घुमा (Naach Ga Ghuma) हा महिलांवर आधारित असणारा चित्रपट प्रेक्षकांच्या भेटीला आला आहे. हा चित्रपट काल (1 मे) रिलीज झाला. या चित्रपटानं पहिल्याचं दिवशी बॉक्स ऑफिसवर दणदणीत सुरुवात केली आहे. जाणून घेऊयात 'नाच गं घुमा' या चित्रपटाच्या ओपनिंग-डे कलेक्शनबाबत...

'नाच गं घुमा'चं कलेक्शन

Sacnilk च्या रिपोर्टनुसार, 'नाच गं घुमा' या चित्रपटानं ओपनिंग-डेला 2.5 कोटींची कमाई केली. वीकेंडला या चित्रपटाच्या कमाईत वाढ होईल, असा अंदाज लावला जात आहे.

नाच गं घुमा या सिनेमाची निर्मिती मधुगंधा कुलकर्णी, परेश मोकाशी, शर्मिष्ठा राऊत, तेजस देसाई आणि स्वप्नील जोशी यांनी केली आहे. मधुगंधा कुलकर्णी आणि परेश मोकाशी यांनी या सिनेमाचं लेखन केलं आहे आणि परेश यांनी या सिनेमाचं दिग्दर्शन केलं आहे.

जॉब करणारी महिला आणि हेल्पर यांच्यातील नाते नाच गं घुमा या चित्रपटात दाखवण्यात आलं आहे. कौटुंबिक, भावनिक आणि कॉमेडी अशा प्रकारचा हा चित्रपट आहे आणि भावनिक, कॉमेडी हे त्यातले मुख्य रस आहेत. ही अर्थातच प्रत्येक कुटुंबाची गोष्ट आहे.

'नाच गं घुमा'ची स्टार कास्ट

नाच गं घुमा या चित्रपटात  नम्रता संभेराव, मुक्ता बर्वे, सारंग साठ्ये, सुकन्या कुलकर्णी, सुप्रिया पाठारे, शर्मिष्ठा राऊत, मधुगंधा कुलकर्णी, सुनील अभ्यंकर आणि बालकलाकार मायरा वायकुळ यांच्या मुख्य भूमिका आहेत. तसेच या चित्रपटात ललित प्रभाकर आणि कविता मेढेकर यांच्या देखील विशेष भूमिका आहेत. तसेच हास्यजत्रा फेम ईशा सुद्धा या सिनेमात काम करतेय.