Drama Juniors : काही दिवसांपूर्वी संकर्षण आणि अमृताचं अपहरण झाल्याचा एक व्हिडीओ सोशल मीडियावर व्हायरल झाला होता. पण हे अपहरण कोण आणि का केलं? ही नेमका कोणत्या शोचा प्रोमो आहे अशी चर्चा बराच काळ रंगली होती पण अखेर हे कोडं सुटलं होतं.

झी मराठी वाहिनीवर 'ड्रामा ज्युनिअर्स' हा नवा कार्यक्रम सुरु होत असून या कार्यक्रमाचे त्यांनी परीक्षक व्हावं म्हणून त्यांचं अपहरण करण्यात आल्याचा खुलासा या प्रोमोमधून करण्यात आला आहे.

शो च्या प्रोमोची होतोय चर्चा

'झी मराठी' च्या सोशल मीडियावर हॅन्डलवर नवा प्रोमो शेअर केला. प्रोमोमध्ये परीक्षकाच्या शोधात असलेली बच्चे कंपनी या दोघांचं अपहरण करते आणि वेगवेगळ्या गाजलेल्या पात्रांच्या रूपात परीक्षक होण्याची मागणी करते आणि त्यांनी श्रेया बुगडेचंही अपहरण केल्याचं या प्रोमोमध्ये पाहायला मिळालं आणि अखेर संकर्षण -अमृता बच्चेकंपनीचा हा प्रस्ताव मान्य करतात असं या प्रोमोमध्ये पाहायला मिळालं.

श्रेया बुगडे या कार्यक्रमाच्या सूत्रसंचालनाची जबाबदारी पार पडली. 'चला हवा येऊ द्या' नंतर बऱ्याच काळाने श्रेया पुन्हा एकदा प्रेक्षकांच्या भेटीस येत आहे.

पहा प्रोमो

आता हा कार्यक्रम कधी सुरु होणार ? यात किती लहान मुलं सहभागी झाले आहेत ? कार्यक्रमाची रूपरेषा कशी असणार ? हे अजून चॅनेलने स्पष्ट केलं नाहीये. या कार्यक्रमामुळे कोणता कार्यक्रम प्रेक्षकांचा निरो घेणार याची चर्चाही सोशल मीडियावर रंगलीय.

संकर्षण-अमृताचे प्रोजेक्ट्स

संकर्षणचं सध्या रंगभूमीवर 'तू म्हणशील तसं','नियम व अटी लागू' ही दोन नाटक रंगभूमीवर सुरु आहेत. तर अमृता 'कलावती' ,'ललिता बाबर' ,'पठ्ठे बापूराव' या सिनेमांमधून प्रेक्षकांच्या भेटीस येणार आहेत. अमृता बऱ्याच काळानंतर टेलिव्हिजनवर कमबॅक करणार आहे तर संकर्षणची टेलिव्हिजनवरील 'माझी तुझी रेशीमगाठ' ही मालिका गाजली होती. या मालिकेतील श्रेयस-संकर्षणच्या मित्राच्या जोडीने सगळ्यांचं मन जिंकलं होतं. अजूनही या जोडीने एकत्र काम करावं अशी अनेकांची इच्छा आहे.