Savaniee Ravindra's Daughter : राष्ट्रीय पुरस्कार विजेती मराठी गायिका सावनी रवींद्र सोशल मीडियावर सुद्धा खूप अॅक्टिव्ह असते. सोशल मीडियावर ती बर्‍याचदा तिच्या गाण्यांचे आणि तिची लेक शार्वीचे क्युट व्हिडिओज शेअर करत असते. सावनीने नुकताच शार्वीचा एकक्युट व्हिडिओ शेअर केला आणि यावेळी तिने केलेल्या निरागस मागणीमुळे सावनीसकट नेटकर्‍यांनाही शार्वीचं कौतुक वाटलं

सावनीने शेअर केलेल्या व्हिडिओमध्ये पाहायला मिळालं की, शार्वी बाल्कनीतून बाहेरचं दृश्य बघतेय आणि ती आईला म्हणते कि, "आई माझा एक मुद्दा आहे." ते ऐकून सावनीला हसू अनावर झालं. मग ती म्हणाली की, "सगळ्या देवांना आकाशात का ठेवलय?" त्यावर सावनीने तिला सांगितलं की, "त्यांना ठेवलं नाहीये ते तिथे राहतात." त्यावर शार्वीने म्हणाली की, "मला ढग उघडून देवबाप्पाला हाय करायचंय." तेव्हा सावनीला हसू आल तिने शार्विला सांगितलं की, "देवबाप्पा आपल्या मनात राहतात. सगळ्या लहान मुलांमध्ये देव असतो."

सावनी आणि शार्वीचा हा संवाद सोशल मीडियावर चर्चेत असून अनेकांनी कमेंट करत शार्वीच्या निरागसतेचं कौतुक केलं.

पहा व्हिडीओ

फॅन्सच्या कमेंट्स

या व्हिडिओवर सावनीच्या चाहत्यांनी कमेंट्स करत शार्वीच्या निरागसतेचं कौतुक केल. “Wow.. किती cute आहे पिल्लू. मला ढग उघडून त्यांना hi करायचंय..” अशी कमेंट एकाने केली तर अनेकांनी त्यांना जमेल तशी शार्वीच्या प्रश्नांची उत्तरं देण्याचा प्रयत्न केला.

सावनीची गाणी

सावनीने आजवर अनेक मराठी गाणी गायली आहेत. 'बाईपण भारी देवा' मधील शेवटचं तिच मंगळागौरीचं गाणं असो किंवा 'बार्डो' सिनेमातील 'रान पेटलं' तिच्या गाण्यांच खूप कौतुक झालं आहे. बार्डो सिनेमात गायलेल्या गाण्यासाठी तिला राष्ट्रीय पुरस्कार मिळाला होता. तर अनेक अल्बम्ससाठीही तिने गाणी गायली आहेत.