Shubhankar Ekbote And Amruta Bane: दिवंगत अभिनेत्री अश्विनी एकबोटे (Ashwini Ekbote) यांचा लेक आणि अभिनेता शुभंकर एकबोटे (Shubhankar Ekbote) आणि अभिनेत्री अमृता बने (Amruta Bane) यांचा लग्नसोहळा लवकरच पार पडणार आहे. त्या दोघांच्या लग्नाआधीच्या कार्यक्रमांना सुरुवात झाली असून नुकताच त्यांचा मेहंदी समारंभ थाटात पार पडला. सोशल मीडियावर त्यांच्या मेहंदी सोहळ्याचे फोटोज चर्चेत आहेत.

शुभंकरने त्याच्या हातावर अमृताच्या नावाची मेहंदी काढली आहे. सोशल मीडियावर त्याने या मेहंडीचा व्हिडीओ शेअर केलाय. शुभंकरच्या बाबांनी सुद्धा त्यांच्या हातावर मेहंदी काढून घेतली. सासरे खासरे असे शब्द त्यांनी त्यांच्या हातावर मेहंदीने काढले. या व्हिडिओला शुभंकरने "हात माझा मेहंदी माझी, रंग मात्र अमृताचा" असं कॅप्शन दिलं आहे. तर त्यांच्या घरी आलेल्या सगळ्या नातेवाईक मंडळींनीही हातावर मेहंदी काढली आणि धमाल डान्सही केला. शुभंकरच्या हातावर मेहंदीने लिहिलेल्या मुंबईचा जावई या कॅप्शननेही लक्ष वेधून घेतलं.त्याच्या व्हिडिओवर अनेकांनी कमेंट करत त्याला लग्नासाठी शुभेच्छा दिल्या.

अमृताच्या घरी आज म्हणजे 19 एप्रिलला मेहंदी समारंभ पार पडणार आहे. अमृताने सोशल मीडियावर ती या समारंभासाठी करत असलेल्या तयारीचे फोटोज शेअर केले आहेत.

लवकरच अमृता आणि शुभंकरचं लग्न पार पडणार असून त्यांचा साखरपुडाही थाटात पार पडला. अमृता आणि शुभंकरने साखरपुड्यावेळी केलेला डान्स सगळ्यांना पसंत पडला होता. त्यांचे फोटोजही चर्चेत होते.

सन मराठीवरील असे हे कन्यादान मालिकेच्या सेटवर अमृता आणि शुभंकरची ओळख झाली. हळूहळू त्यांची मैत्री झाली आणि मैत्रीचं रूपांतर प्रेमात झालं. काही काळ एकमेकांना डेट केल्यानंतर त्यांनी लग्नाचा निर्णय घेतला. शुभंकरने ही मालिका सोडली असून अमृता अजूनही या मालिकेत काम करतेय. तर शुभंकर लवकरच छावा या सिनेमातून प्रेक्षकांच्या भेटीस येणार आहे. विकी कौशल आणि रश्मीका मंदाना यांची या सिनेमात मुख्य भूमिका असून लक्ष्मण उतेकर या सिनेमाचं दिग्दर्शन करत आहेत तर अभिनेता संतोष जुवेकरही या सिनेमात काम करतोय.