Shweta Tiwari Interview : हिंदी टेलिव्हिजनवरील प्रथितयश अभिनेत्री श्वेता तिवारी तिच्या प्रोफेशनल आयुष्याबरोबरच पर्सनल आयुष्यामुळेही चर्चेत राहिली आहे. नुकतंच दिलेल्या एका मुलाखतीत तिने तिच्या पहिल्या घटस्फोटाबाबत भाष्य केलं. तिला तिचा पहिला पती राजा चौधरीपासून घटस्फोट घ्यायला नऊ वर्षं का लागली याची कारणं तिने यावेळी तिने सांगितली.

गॅलाटा इंडियाला दिलेल्या मुलाखतीत श्वेता म्हणाली कि,"माझ्या मुलीला मोठे होत असताना वडील नसल्याची मला काळजी वाटत होती. नंतर मला समजले की, तुम्ही मानसिकदृष्ट्या आनंदी असाल तेव्हाच तुमचं आनंदी कुटुंब होऊ शकेल. तुमच्या मुलाचे संगोपन करणे चांगले नाही. एखाद्या कुटूंबात जर दोन लोक एकत्र राहू शकत नाहीत, तर त्यातून वेगळं होणं चांगलं आहे."

तिने तिच्या पूर्वायुष्याबद्दल बोलताना दावा केला कि, राजा चौधरी तिला नेहमी मारहाण करत असे. तिने असंही उघड केलं की राजा तिच्या मालिकेच्या सेटवर गोंधळ घालत असे. पण हा सगळं त्रास होऊनही ती राजाला घटस्फोट द्यायला तयार नव्हती.

तिने तिचं लग्न वाचवण्याचा प्रयत्न का केला याविषयी सांगताना ती म्हणाली कि,"माझ्या संपूर्ण कुटुंबात कोणीही प्रेमविवाह केला नव्हता, मी केला होता. आमच्या कुटुंबात या गोष्टीला विरोध होता तरीही मी त्यांच्या विरोधात जाऊन हे लग्न केलं होतं. आणि मला माझ्या लग्नाबद्दल टोमणे मारायला सुरुवात झाली होती. मी आर्थिकदृष्ट्या स्वतंत्र नव्हते असं नाही पण ती एक भावनिक गोष्ट होती."

१९९८ मध्ये राजा चौधरी आणि श्वेता तिवारीने लग्न केलं. त्या दोघांना पलक तिवारी नावाची मुलगी आहे. त्या दोघांनी नच बलिये या रिऍलिटी शोमध्येही भाग घेतला होता. पण त्यानंतर २००७ मध्ये श्वेताने राजा चौधरी विरोधात घरगुती हिंसाचार आणि मद्यपान करण्याच्या कारणावरून गुन्हा दाखल करत घटस्फोटाची मागणी केली. त्यांचा घटस्फोट झाल्यानंतर ते बराच काळ एकमेकांच्या संपर्कात नव्हते.

त्यानंतर २०१३ मध्ये श्वेता अभिनव कोहलीशी लग्नगाठ बांधली. त्यांना रेयांश कोहली नावाचा मुलगा आहे पण त्याच्यापासूनही श्वेताने घटस्फोट घेतला.