Aamna Sharif & Rajiv Khandelwal : २००० च्या दशकात टेलिव्हिजनवर आलेल्या अनेक मालिकांनी प्रेक्षकांची मनं जिंकली. या मालिकांमधील काही जोड्या अजूनही प्रेक्षकांमध्ये लोकप्रिय आहेत. यातीलच एक टेलिव्हिजनवर गाजलेली रील लाईफ जोडी म्हणजे सुजल आणि कशिश. एकता कपूरच्या 'कही तो होगा' या मलिकेतील या सुपरहिट जोडीचे आजही अनेकजण फॅन आहेत. राजीव खंडेलवाल याने सुजल आणि आमना शरीफ हिने कशिश ही भूमिका या मालिकेत साकारली होती. आज १६ जुलैला आमनाचा वाढदिवस आहे.

२००३ मध्ये ही मालिका स्टार प्लस या चॅनेलवर सुरु झाली. सुजल आणि कशिशची मालिकेतील लव्हस्टोरी सगळ्यांनाच आवडत होती आणि या दोघांनी खऱ्या आयुष्यातही एकत्र यावं अशी अनेक चाहत्यांची इच्छा होती. हे दोघेही एकमेकांना डेट करत असल्याच्या चर्चा त्या काळी रंगल्या होत्या ,मात्र त्याबाबत कोणतीही निश्चित माहिती त्यावेळी समजू शकली नव्हती. काही काळाने राजीवने ही मालिका सोडली आणि त्यानंतर गुरप्रीत सिंहने या मालिकेत सुजलची भूमिका साकारली.

नुकतंच टाईम्स नाऊच्या युट्युब चॅनेलला दिलेल्या मुलाखतीमध्ये गुरप्रीतने आमना आणि राजीवच्या रिलेशनशिपबाबतच्या चर्चांवर भाष्य केलं. तो म्हणाला,"खरंतर ही त्यांची वैयक्तिक गोष्ट आहे. मी याबाबत बऱ्याच उडत्या खबरी ऐकल्या आहेत पण कुणीच कधी स्पष्ट याविषयी बोललं नाही कि ते दोघेही रिलेशनशिपमध्ये आहेत. हो पण मला याची जाणीव होती कि त्यांचं एकमेकांशी चांगलं नातं आहे. "

तर आमना आणि त्याच्यातील प्रोफेशनल नात्याविषयी तो म्हणाला कि,"पहिल्यापासूनच आमना खूप स्पष्टवक्ती होती आणि ती तिच्या कामाशी काम ठेवायची. मलाही वाटलं या सेटवर असंच काम होत असावं त्यामुळे मी सुद्धा तसाच वागू लागलो."

आमना आणि राजीवची या मालिकेतील जोडी खूप गाजली पण त्यानंतर या दोघांनी कधीच एकत्र काम केलं नाही. आमनाने अमित कपूरबरोबर लग्न केलं असून तिला एक मुलगा आहे. २०२२ मध्ये तिची आधा इष्क ही वेबसिरीज प्रेक्षकांच्या भेटीस आली होती. तर कसौटी जिंदगी कि मालिकेत तिने कोमोलिका ही निगेटिव्ह भूमिका साकारली होती. या भूमिकेने सगळ्यांचंच मन जिंकलं होतं.