Yogita Chavan And Saurabh Choughule: अभिनेत्री योगिता चव्हाण (Yogita Chavan) आणि अभिनेता सौरभ चौघुले (Saorabh Choughule) ही जीव माझा गुंतला (Jeev Majha Guntala) या मालिकेतील ऑन स्क्रिन काही महिन्यांपूर्वी लग्नबंधनात अडकली. योगिता आणि सौरभ हे रिल लाईफ कपलनंतर रिअल लाईफ कपल झाले. अशातच योगिता आणि सौरभ यांनी लग्नाच्या तीन महिन्यानंतर हक्काचं घर घेतलं आहे. सौरभ आणि योगिता यांनी त्यांच्या घराचे फोटो सोशल मीडियावर शेअर केले आहेत.

योगिता आणि सौरभ यांनी शेअर केले फोटो

योगिता आणि सौरभ यांनी नुकतेच त्यांच्या नव्या घराचे फोटो सोशल मीडियावर शेअर केले आहेत. या फोटोला त्यांनी कॅप्शन दिलं, "एक स्वप्न आपलं, एकत्र पूर्ण करूया,नवीन शहरात, नवीन संसार थाटूया....Cheers to our new beginning."

योगिता आणि सौरभ यांनी शेअर केलेल्या नव्या घराच्या फोटोवर नेटकऱ्यांनी लाइक्स आणि कमेंट्सचा वर्षाव केला आहे.

जीव माझा गुंतला या मालिकेत योगितानं अंतरा ही भूमिका साकारली. तर सौरभनं मल्हार ही भूमिका साकारली आहे. जीव माझा गुंतला या मालिकेच्या शूटिंगदरम्यान योगिता आणि सौरभ यांची मैत्री झाली या मैत्रीचे रुपांतर प्रेमात झाले. त्यानंतर योगिता आणि सौरभ यांनी लग्न केलं. 3 मार्च रोजी योगिता आणि सौरभ यांचा विवाह सोहळा पार पडला. त्यांच्या लग्नसोहळ्याचे फोटो सोशल मीडियावर व्हायरल झाले आहेत.