Nagraj Manjule House : पिस्तुल्या, फँड्री, सैराट यांसारख्या चित्रपटातून मराठी सिनेसृष्टी गाजवणारं मराठी व्यक्तीमत्व नागराज मंजुळे. मूळचे सोलापूरकर असलेले करमाळा तालुक्यात नागराज यांचे गावातले लहानसे घर. आज व्यक्तीमत्वं उंचावलं. गाडी, बंगला सगळं जवळ आलं म्हणून गावची आठवण त्यांनी सोडली नाही. वडिलांचं राहातं घर आजही तसंच आहे. एवढेच नव्हे तर आजही गावी गेल्यावर नागराज मंजुळे याच घरात राहातात.

सर्व मराठी चित्रपटांचे रेकॉर्ड मोडणारा सैराट हा मूव्ही नागराज यांनी तयार केलाय. झुंड या हिंदी चित्रपटातून त्यांनी बॉलीवूडमध्येही एन्ट्री केलीय. अनेक कलाकारांची त्यांच्यासोबत काम करण्याची इच्छा आहे. इतके यश मिळूनही या व्यक्तीचे पाय मात्र आजही जमिनीवर आहेत.

नागराज मंजुळे हे मुळचे सोलापूरकर असून सोलापूर जिल्ह्यातील करमाळा तालुक्यातील जेऊर या गावात ते लहानाचे मोठे झाले. त्यांच्या आईवडिलांची परिस्थिती अतिशय हलाखीची होती. त्यामुळे त्यांचे वडील पोपटराव यांच्याकडून त्यांचा भाऊ बाबूराव यांनी नागराजला दत्तक घेतले.

नागराज यांच्या वडिलांनी बांधलेले घर आजही तेथेच आहे. नागराज आज कितीही श्रीमंत झाले असले तरी गावी गेल्यावर ते याच घरी राहातात. नागराज यांचे हे घर पूर्वी फारच साधे होते. पण सैराटच्या यशानंतर त्याला रंग देऊन त्याची डागडुजी करून या घराला त्यांनी नवीन रूप दिलं. (Marathi Movies)

नागराज हे अत्यंत साधारण कुटुंबातून आलेले असताना या साध्या माणसाने त्याच्या चित्रपटातून संपूर्ण देशाचे लक्ष वेधून घेतले. एकामागे एक त्यांचे मराठी चित्रपट मोठ्या पडद्यावर गाजले. मोठ्या पदावर पोहोचूनसुद्धा या व्यक्तीचे विचार आणि राहाणी अगदी साधी आहे.