पुणे : मित्रांसमवेत कालव्यातील पाण्यामध्ये पोहताना 12 वर्षांचा मुलगा वाहून गेला. ही घटना शुक्रवारी (ता.२१) दुपारी साडे बारा वाजता जनता वसाहतीमधील लोखंडी पुलाजवळ घडली. दरम्यान, अग्निशामक दलाच्या जवानांनी सायंकाळी 6 पर्यंत शोध घेतला. मात्र, अंधार पडल्याने शोधकार्य थांबविण्यात आले. 

- ताज्या बातम्यांसाठी डाऊनलोड करा ई-सकाळचे ऍप

सुरेश राहुल बांगर (वय 12, रा. लोखंडी पुलाजवळ, जनता वसाहत) असे पाण्यात वाहून गेलेल्या मुलाचे नाव आहे. राहुल हा सातवीमध्ये शिकत होता. शुक्रवारी दुपारी साडे बारा वाजता सुरेश त्याच्या दोन मित्रांसमवेत विठ्ठल-रुक्‍मिणी मंदिरासमोरील लोखंडी पुलाजवळील कालव्यामध्ये पोहत होता. त्याचवेळी अचानक सुरेश पाण्यामध्ये वाहून जाऊ लागला.

- चाइल्ड पोर्नोग्राफीविरुद्ध दौंडमध्ये पहिला गुन्हा दाखल

तेव्हा स्थानिक नागरिकांनी त्याचा शोध घेण्याचा प्रयत्न केला. मात्र तो सापडला नाही. अखेर नागरिकांनी अग्निशामक दलास खबर दिली. त्यानंतर जनता वसाहत अग्निशाम केंद्राचे अधिकारी अविनाश आढाव यांच्या मार्गदर्शनाखाली 10 ते 15 जवान घटनास्थळी दाखल झाले. त्यांनी लोखंडी पुल ते सावरकर पुतळ्याच्या पाठीमागील बाजुपर्यंत शोध घेतला.

- मुख्यमंत्री उद्धव ठाकरेंनी सीएए संदर्भात भूमिका केली स्पष्ट

सायंकाळी पावणे सहापर्यंत शोधकार्य सुरू होते; परंतु अंधार पडू लागल्याने अग्निशामक दलाने शोधकार्य थांबविले.