पुणे - दान केलेल्या अवयवांमुळे वर्षभरात १८१ जणांना जीवनदान मिळाल्याची माहिती ‘पुणे झोनल ट्रान्सप्लॅंट को-ऑर्डिनेशन कमिटी’तर्फे (झेडटीसीसी) मंगळवारी देण्यात आली. यात बारा रुग्णांवर हृदय प्रत्यारोपण करण्यात वैद्यकीय तज्ज्ञांना यश मिळाले आहे.
आतापर्यंत जितक्‍या सहजतेने मृत व्यक्तीचे नातेवाईक नेत्रदानास तयार होत असत, तितक्‍याच सहजतेने आता अवयवदानासाठी पुढे येत असल्याचे चित्र पुण्यात दिसत आहे. त्यामुळे अवयवदात्यांची संख्या वाढत आहे. त्यातून नेत्रदानाबरोबरच मूत्रपिंड, यकृत आणि हृदयाच्या प्रतीक्षेत असलेल्या गरजू रुग्णांना अवयव मिळत आहेत.
रुग्णालयात उपचारासाठी दाखल असलेल्या रुग्णाच्या मेंदूचे कार्य थांबले असल्याचे तज्ज्ञ डॉक्‍टरांच्या पथकाने जाहीर केल्यानंतर अवयव दान करता येते. त्याचा निर्णय मृत व्यक्तीच्या नातेवाइकांनी घ्यायचा असतो. त्यात मृत व्यक्तीने इच्छा व्यक्त केली आहे किंवा नाही, यापेक्षा नातेवाइकांची अवयवदानास सहमती जास्त महत्त्वाची असते. गेल्या पाच वर्षांमध्ये नातेवाईक अवयवदानाकडे सकारात्मक दृष्टीने बघू लागले आहेत. आपली जवळची व्यक्ती हे जग सोडत असताना इतर गरजू रुग्णांना जीवनदान देत असल्याची उदात्त भावना नातेवाइकांनी स्वीकारली आहे. त्यातून हा बदल होत असल्याचे निरीक्षण वैद्यकीय समाजसेवकांनी व्यक्त केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.